ن لیگ کے ناراض رہنماء حمزہ شہباز آئندہ ہفتے واپس آنے کو تیار ، ذرائع

مسلم لیگ نون کے ناراض سینئر رہنماء اور سابق وزیراعلیٰ پنجاب حمزہ شہباز آئندہ ہفتے وطن واپس پہنچ رہے ہیں۔ مستقبل میں حمزہ شہباز اور مریم نواز ایک ساتھ انتخابی مہم چلائیں گے یا نہیں تاحال فیصلہ نہیں ہوسکا۔

مسلم لیگ نون کے اہم ذرائع نے سماء کو بتایا ہے کہ حمزہ شہباز آئندہ ہفتے 10 مارچ سے قبل وطن واپس آئیں گے، وہ پارٹی قیادت سے کچھ فیصلوں پر اعتراض کے بعد امریکا چلے گئے تھے۔

ذرائع کے مطابق حمزہ شہباز تقریباً ڈھائی ماہ امریکا میں قیام کرکے وطن واپس آرہے ہیں۔

ذرائع کا کہنا ہے کہ حمزہ شہباز کی وطن واپسی کے بعد انہیں پارٹی میں اہم ذمہ داری بھی دی جائے گی۔

واضح رہے کہ حمزہ شہباز پنجاب کی وزرات اعلیٰ ختم ہونے کے بعد سے ناراض تھے اور عملی سیاست سے دور ہوگئے تھے۔