തൃശൂര്‍: കൊടുങ്ങല്ലൂരില്‍ ശൃംഗപുരത്ത് സ്‌കൂളിലെ സിസിടിവികള്‍ അടിച്ചുതകര്‍ത്തതായി പരാതി. പി.ഭാസ്‌ക്കരന്‍ സ്മാരക ഗവ.ഹയര്‍ സെക്കണ്ടറി സ്‌കൂളിലെ നിരീക്ഷണ ക്യാമറകളാണ് തകര്‍ത്തത്. സംഭവത്തില്‍ പൊലീസ് അന്വേഷണം ആരംഭിച്ചു.
ഇന്ന് രാവിലെ സ്‌കൂള്‍ തുറക്കാനെത്തിയപ്പോഴാണ് അധികൃതര്‍ സംഭവം അറിയുന്നത്. സ്‌കൂളിലെ മൂന്ന് ക്യാമറകളാണ് തകര്‍ത്തത്. കമ്പ്യൂട്ടര്‍ ലാബുകള്‍ക്ക് മുന്നിലും, യു.പി വിഭാഗം കെട്ടിടത്തിലും സ്ഥാപിച്ചിരുന്ന ക്യാമറകള്‍ നശിപ്പിച്ചിട്ടുണ്ട്. അക്രമിയുടെ ദൃശ്യങ്ങള്‍ സി.സി.ടി.വി ക്യാമറയില്‍ പതിഞ്ഞിട്ടുണ്ട്. തിങ്കളാഴ്ച്ച വൈകീട്ടായിരുന്നു അക്രമം നടത്തിയതെന്ന് ദൃശ്യങ്ങളില്‍.
സ്‌കൂള്‍ അധികൃതര്‍ കൊടുങ്ങല്ലൂര്‍ പൊലീസില്‍ പരാതി നല്‍കി. സിസിടിവി ദൃശ്യങ്ങള്‍ കേന്ദ്രീകരിച്ച് പൊലീസ് അന്വേഷണം ആരംഭിച്ചു.
Post Your Comments