انگلش کرکٹر ایلیکس ہیلز کی پی ایس ایل کیلئے پاکستان آمد

پاکستان سپر لیگ ( پی ایس ایل ) سیزن 8 کیلئے انگلش کرکٹر ایلیکس ہیلز پاکستان پہنچ گئے۔

اسلام آباد یونائیٹڈٓ نے ٹوئٹراکاؤنٹ پر ایلیکس ہیلز کی آمد کی تصویر شیئر کی ہے جس میں ہیلز کو ہوٹل میں کافی سے لطف اندوز ہوتے دیکھا جا سکتا ہے۔

34 سالہ کھلاڑی ایلیکس ہیلز پی ایس ایل 8 میں اسلام آباد یونائیٹڈ کی نمائندگی کریں گے۔

نجم سیٹھی لاہوریوں کے جذبے کے قدردان

اپنے گزشتہ میچ میں لاہور قلندرز سے مایوس کن شکست کے بعد ہیلز کی آمد اسلام آباد یونائیٹڈ کے پلیئنگ اسکواڈ کو مضبوط کرے گی۔

لاہور قلندرز کے خلاف میچ میں اسلام آباد یونائیٹڈ صرف 90 رنز پر ڈھیر ہو گئی تھی اور اسے 110 رنز کے بڑے مارجن سے نقصان اٹھانا پڑا تھا۔

واضح رہے کہ اسلام آباد یونائیٹڈ اپنا اگلا میچ 3 مارچ کو کراچی کنگز کی خلاف راولپنڈی میں کھیلے گی۔