دہشتگردوں کیخلاف سیکیورٹی فورسز کی کارروائیوں میں تیزی

ملک بھر میں دہشت گردوں کے خلاف سیکیورٹی فورسز کی کارروائیوں میں تیزی آگئی ہے۔ تین ماہ کے دوران 142 دہشت گردوں کو ہلاک کیا گیا ہے۔

حالیہ بڑھتی دہشت گردی کے خلاف سکیورٹی فورسز نے ملک بھر میں بے شمار آپریشنز کیے، سکیورٹی فورسز نے 3 ماہ میں دہشت گردوں اور سہولت کاروں کے متعدد حملے ناکام بنائے۔

سیکیورٹی فورسز کی جانب سے ملک بھر میں مجموعی طور پر 6921 آپریشنز کے دوران 142 دہشتگردوں کو ہلاک کیا گیا۔ اس دوران 1007 دہشت گردوں کو گرفتار بھی کیا۔

خیبر پختونخوا میں کل 1960 آپریشنز ہوئے جن میں 1516 ایریا ڈومینیشن آپریشنز، 301 انٹیلی جنس بیسڈ آپریشنز اور 143 ایریا سینیٹائزیشن آپریشنز کیے گئے، ان آپریشنز میں 98 دہشت گردوں کو ہلاک اور 540 کو گرفتار کیا گیا۔

بلوچستان میں 3414 آپریشنز میں 2980 ایریا ڈومینیشن آپریشنز، 67 انٹیلی جنس بیسڈ آپریشنز، 367 ایریا سینیٹایزیشن آپریشنز شامل ہیں، بلوچستان میں کیے جانے والے آپریشنز میں 40 دہشت گردوں کو ہلاک اور 112 کو گرفتار کیا گیا۔

سندھ میں 752 انٹیلی جنس بیسڈ آپریشنز میں 3 دہشت گرد ہلاک اور 344 گرفتار ہوئے۔

پنجاب میں 165 انٹیلی جنس بیسڈ آپریشنز کیے گئے جن میں 1 دہشت گرد ہلاک 11 کو گرفتار کیا گیا۔