ویرات کوہلی نے سچن ٹنڈولکر کا ریکارڈ چھین لیا

بھارتی کرکٹ ٹیم کےنامور بلے باز ویرات کوہلی نے سچن ٹنڈولکر کا ریکارڈ توڑ کر تیز ترین 25 ہزار رنز بنانے والے پہلے بلے باز بن گئے۔

دہلی کرکٹ سٹیڈیم میں آسٹریلیا اور بھارت کے درمیان جاری ٹیسٹ کے تیسرے دن ویرات کوہلی نے 549 ویں اننگز میں 31ہزار 313 گیندیں کھیل کر 25 ہزار رنز بنا کر ریکارڈ قائم کرلیا۔

یاد رہے کہ سچن ٹنڈولکر نے یہ اعزاز 577 اننگز کھیل کر حاصل کیا تھا، سچن ٹنڈولکر نے انٹرنیشنل کرکٹ میں مجموعی طور پر 34 ہزار 437 رنز بنائے جبکہ آسٹریلیا کے سابق کھلاڑی رکی پوائنٹنگ نے 588 اننگز میں 25 ہزار رنز بنائے تھے۔

اس سے قبل دسمبر 2020 میں ویرات کوہلی نے سچن ٹنڈولکر کا ایک اور ریکارڈ توڑا تھا، جس کے ساتھ وہ ون ڈے کرکٹ میں تیز ترین 12ہزار رنز بنانے والے کرکٹر بن گئے ہیں۔