قومی ویمن کرکٹر منیبہ علی نے اپنی کامیابی کیسے منائی؟

پاکستان ویمنز کرکٹ ٹیم کی بیٹرمنیبہ علی وومنز ٹی ٹوئنٹی انٹرنیشنلز اور ویمنز ورلڈکپ میں پاکستان کی طرف سے سنچری اسکور کرنے والی پہلی پلیئر بن گئیں۔

پاکستان کرکٹ بورڈ(پی سی بی) نے ایک ویڈیو جاری کی ہے، ویڈیو میں دیکھا جاسکتا ہے کہ قومی ویمنز کرکٹ ٹیم نے منیبہ علی کی سنچری اور آئرلینڈ کے خلاف فتح کو کیک کاٹ کر منایا۔

اس سے قبل پریس کانفرنس کے دوران منیبہ علی نے کہا اوپنر کے لیے سخت مقابلہ ہوتا ہے کیونکہ وہاں سارے سینئرز کھیلتے ہیں، کوشش کروں گی کہ آگے بھی اسی طرح کی کارکردگی دوں۔

منیبہ علی نے مزید کہا کہ پہلے اسٹریٹ کرکٹ کھیلی اور پھر کراچی کی اکیڈمی میں انڈر 19 میچز کھیلے، اسکے بعد پاکستانی ٹیم میں شمولیت حاصل کی۔