جو ٹیم بھی جیتے، جیت پاکستان کی ہوگی، گورنر سندھ

گورنر سندھ کامران ٹیسوری بھی پی ایس ایل میچ دیکھنے کراچی اسٹیڈیم پہنچ گئے، سربراہ پی سی بی مینجمنٹ کمیٹی نجم سیٹھی نے انہیں یادگاری شیلڈ پیش کی۔

گورنر سندھ کامران ٹیسوری نیشنل بینک کرکٹ ارینا پہنچے، کراچی کنگز اور پشاور زلمی کے درمیان میچ دیکھا۔

گورنر سندھ کامران ٹیسوری نے سربراہ پی سی بی مینجمنٹ کمیٹی نجم سیٹھی سے ملاقات کی، پی سی بی کی جانب سے گورنر سندھ کو یادگاری شیلڈ پیش کی گئی۔

کامران ٹیسوری نے اس موقع پر میڈیا سے غیر رسمی گفتگو میں کہا کہ کراچی کنگز کی ٹیم کو سپورٹ کررہا ہوں، پی ایس ایل کی دیگر ٹیمیں بھی اپنی ہیں، جو بھی ٹیم جیتے، جیت پاکستان کی ہی ہوگی۔