پاسپورٹ فیس میں اضافے پر وزارت داخلہ کی وضاحت

ترجمان وزارت داخلہ نے وضاحتی بیان میں سوشل میڈیا پر مشین ریڈ ایبل پاسپورٹ فیس میں اضافے سے متعلق چلنے والی خبریں کو بے بنیاد قرار دیدیا۔

ترجمان کا کہنا ہے کہ مشین ریڈ ایبل پاسپوٹ کی فیسوں میں کسی قسم کا کوئی اضافہ نہیں کیا گیا۔

انہوں نے بتایا کہ وفاقی حکومت نے پاکستانی شہریوں کیلئے ای پاسپورٹ جاری کرنے کی منظوری دی ہے تاہم فی الحال ای پاسپورٹ سہولت کا اجراء نہیں کیا گیا۔

ترجمان وزارت داخلہ کا کہنا ہے کہ محکمہ امیگریشن اینڈ پاسپورٹ نے حال ہی میں ای پاسپورٹ کی آرڈنری فیس مقرر کی تھی، یہ مقررہ فیس صرف ای پاسپورٹ کے اجراء پر لاگو ہوگی، دیگر پاسپورٹس کی فیسیں پرانی ہی برقرار ہیں۔