લખનઉની હોટલમાં લાગી આગ, ઓક્સિજન માસ્ક પહેરી અંદર ફસાયેલા લોકોને બચાવવામાં લાગી ટીમ

ઉત્તર પ્રદેશની રાજધાની લખનઉના હઝરતગંજમાં સોમવારે સવારે એક હોટલમાં આગ લાગી હતી. આગની માહિતી મળતાં જ ફાયર બ્રિગેડની ગાડીઓ ઘટનાસ્થળે પહોંચી ગઈ હતી અને હાલ આગને કાબૂમાં લેવાનો પ્રયાસ કરી રહી છે. ANIના સમાચાર મુજબ, હઝરતગંજની લેવાના હોટલમાં આગ લાગી હતી. તે જ સમયે, હોટલની અંદર ફસાયેલા લોકોને સુરક્ષિત બહાર કાઢવાના પ્રયાસો કરવામાં આવી રહ્યા છે. ઓક્સિજન માસ્ક પહેરેલા સુરક્ષા કર્મચારીઓ લોકોને બહાર કાઢવાની કામગીરીમાં લાગેલા છે. કોઈ અનિચ્છનીય બનાવ બને તે માટે ત્રણ એમ્બ્યુલન્સ પણ ઘટનાસ્થળે તૈયાર રાખવામાં આવી છે.

કહેવામાં આવી રહ્યું છે કે સોમવારે વહેલી સવારે હોટલમાં આગ લાગી હતી, ત્યારબાદ ફાયર બ્રિગેડને જાણ કરવામાં આવી હતી. જો કે આગ લાગવાનું કારણ હજુ સુધી જાણી શકાયું નથી. હાલમાં હોટલના રૂમમાંથી બારીના કાચ તોડીને લોકોને સુરક્ષિત બહાર કાઢવામાં આવી રહ્યા છે.

#WATCH | Uttar Pradesh: Fire breaks out at a hotel in Hazratganj in Lucknow. Efforts underway to evacuate the people in the hotel rooms. Details awaited. pic.twitter.com/gxKy6oYyOO

— ANI UP/Uttarakhand (@ANINewsUP) September 5, 2022

ફાયર બ્રિગેડ અને પોલીસની ટીમ ઘટનાસ્થળે રાહત અને બચાવ કાર્યમાં લાગેલી છે. હોટલની અંદર લાગેલી આગનો ધુમાડો એટલો વધારે છે કે ઓક્સિજન માસ્ક પહેરેલા સુરક્ષાકર્મીઓ લોકોને સુરક્ષિત બહાર કાઢવાનો પ્રયાસ કરી રહ્યા છે.