દેશભરમાં 15 જુલાઈથી શરૂ થનારા 75 દિવસના વિશેષ રસીકરણ અભિયાનના ભાગરૂપે 18-59 વર્ષની વયજૂથના લોકોને સરકારી રસીકરણ કેન્દ્રો પર કોવિડ રસીના મફત સાવચેતી ડોઝ મળશે. સત્તાવાર સૂત્રોના જણાવ્યા અનુસાર, આઝાદીના અમૃત મહોત્સવ અંતર્ગત કોવિડના બૂસ્ટર ડોઝને પ્રોત્સાહન આપવાના ઉદ્દેશ્ય સાથે આ 75 દિવસનું વિશેષ અભિયાન ચલાવવામાં આવશે.
માહિતી અનુસાર અત્યાર સુધીમાં 18-59 વર્ષની વયજૂથની 77 કરોડની લક્ષિત વસ્તીના 1 ટકાથી ઓછા લોકોને બૂસ્ટર ડોઝ આપવામાં આવ્યો છે. જો કે, 60 વર્ષ અને તેથી વધુ વયની અંદાજિત 160 મિલિયન લાયક વસ્તીમાંથી લગભગ 26 ટકા તેમજ હેલ્થકેર અને ફ્રન્ટ લાઇન કામદારોને બૂસ્ટર ડોઝ મળ્યો છે.
People in 18-59 age group will get free precaution doses of Covid vaccine at government vaccination centres under 75-day special drive likely to begin from July 15: Official sources
— Press Trust of India (@PTI_News) July 13, 2022
દેશમાં કોરોનાની સ્થિતી
દેશમાં કોરોના વાયરસનો ખતરો છે. જો કે દેશમાં પહેલા કરતા વાયરસ પર વધુ નિયંત્રણ કરવામાં આવ્યું છે, પરંતુ તેમ છતાં નવા કેસોમાં વધઘટ ચાલુ છે. બુધવારે (13 જુલાઈ) ભારતમાં છેલ્લા 24 કલાકમાં કોરોનાના 16,906 નવા કેસ નોંધાયા છે અને 15,447 સાજા થયા છે. આ દરમિયાન કોરોના સંક્રમિતમાંથી 45 લોકોના મોત થયા છે. દેશમાં હજુ પણ 1,32,457 સક્રિય કોરોના દર્દીઓ છે.