વાયરલ થયો સ્વિગી ડીલિવરી બોયનો વીડિયો, કંપનીએ કહ્યું- જાણકારી આપનારને મળશે ઇનામ

સ્વિગીએ યંગ સ્ટારની શોધ શરૂ કરી

આ જ સવાલ સ્વિગીની સામે પણ છે અને કંપનીએ ડિલિવરી બોય વિશે માહિતી આપવા બદલ ઈનામની જાહેરાત પણ કરી છે. સ્વિગીએ ડિલિવરી બોયને શોધવા માટે એક નોટ બહાર પાડી છે. તે કહે છે કે ઈન્ટરનેટ પરના બાકીના લોકોની જેમ અમે પણ હજુ સુધી આ વ્યક્તિને ઓળખી શક્યા નથી. સ્વિગીએ પૂછ્યું કે "આ બહાદુર યુવાન સ્ટાર કોણ છે."

તુફાન પર સવાર છેકે વીજળી પર?

સ્વિગીએ વધુમાં કહ્યું, "શું તે તોફાન પર સવાર છે કે વીજળી પર? તેની પીઠ પર જે બેગ છે તેની અંદર શું છે. ભારે વરસાદના દિવસે તે મુંબઈની વ્યસ્ત ગલીને કેમ પાર કરવાનો પ્રયાસ કરી રહ્યો છે. જ્યારે તે ઓર્ડર પહોંચાડવા ગયો હતો, તો ક્યાં ગયો? તે તેનો ઘોડો ક્યાં પાર્ક કરે છે?

સ્વિગીએ શરૂ કર્યું હોર્સ હન્ટ

સ્વિગીએ ઘોડા સાથે ડિલિવરી બોય માટે 'હોર્સ હન્ટ' શરૂ કરી છે અને 'એક્સિડેન્ટલ બ્રાન્ડ એમ્બેસેડર' વિશે માહિતી આપવા બદલ ઈનામની જાહેરાત કરી છે. સ્વિગીએ કહ્યું કે જે પણ આ ઘોડા વિશે માહિતી આપશે તેને સ્વિગી 500 રૂપિયા આપવામાં આવશે.

શુ હતો પુરો મામલો?

ગયા અઠવાડિયે, સોશિયલ મીડિયા પર અચાનક એક વીડિયો વાયરલ થયો હતો જેમાં ભારે વરસાદ વચ્ચે ઘોડા પર સવાર એક વ્યક્તિ ફૂડ ડિલિવરી કંપની સ્વિગીની બેગ લઈને જતો જોવા મળ્યો હતો. વીડિયોમાં સ્વિગીની ડિલિવરી બેગ લઈને ઘોડા પર સવાર એક વ્યક્તિ ભારે વરસાદમાં વ્યસ્ત રોડ ક્રોસ કરતો જોવા મળ્યો હતો. આ વીડિયો મુંબઈનો હોવાનું કહેવાય છે અને તે યુઝરે લીધો હતો.

થોડા દિવસ પહેલા વાયરલ થયુ હતુ ઉબેરનુ ભાડુ

આ પહેલીવાર નથી જ્યારે મુંબઈ આવી વિચિત્ર બાબતોનું સાક્ષી બન્યું હોય. તાજેતરમાં, એક વ્યક્તિએ 50 કિમીની રાઈડ માટે 3000 રૂપિયા ચાર્જ કરતી ઉબેરનો સ્ક્રીનશોટ શેર કર્યો હતો. શ્રવણ કુમાર નામના યુઝરે લખ્યું છે કે ઉબેર 50 કિમી માટે જે રકમ વસૂલ કરી રહી છે તે મુંબઈથી ગોવા ફ્લાઈટના ભાડા કરતાં વધુ છે. તેણે લખ્યું કે "મારી હોમ રાઈડ કરતાં ગોવાની ફ્લાઇટ સસ્તી છે."