પીએમ મોદીએ જે કહ્યું તે કરી બતાવ્યું? તો આ કારણે દ્રોપદી મુર્મુ બન્યા રાષ્ટ્રપતી પદના ઉમેદવાર

પીએમ મોદીએ નવસારીની જાહેરસભામાં આ વાત કહી હતી

તમને જણાવી દઈએ કે જો દ્રૌપદી મુર્મુ રાષ્ટ્રપતિ ચૂંટણી જીતશે તો તે દેશની પ્રથમ આદિવાસી મહિલા રાષ્ટ્રપતિ બનશે. નોંધનીય છે કે તાજેતરમાં જ પીએમ મોદીએ નવસારીની જાહેરસભામાં કહ્યું હતું કે 'છેલ્લા આઠ વર્ષથી કેન્દ્ર સરકાર દેશના વિકાસ માટે સતત કામ કરી રહી છે.'

'આદિવાસી મહિલાઓ વિશે કોઈએ વિચાર્યું નહોતુ'

તેમણે કહ્યું હતું કે 'દેશની ગરીબ, દલિત, આદિવાસી મહિલાઓ પોતાનું આખું જીવન તેમની મૂળભૂત જરૂરિયાતો પૂરી કરવામાં જ વિતાવે છે પરંતુ આ ગરીબ અને આદિવાસી મહિલાઓના જીવનને સરળ બનાવવા માટે કોઈએ ક્યારેય વિચાર્યું નથી કારણ કે આ લોકોને સખત મહેનત કરવી પડે છે. લાંબા સમય સુધી દેશ પર શાસન કરનારાઓએ ક્યારેય તેના વિશે વિચાર્યું નથી પરંતુ અમારી સરકાર તેના પર સતત કામ કરી રહી છે.

આદિવાસી મહિલાને દેશના સર્વોચ્ચ પદ માટે ઉમેદવાર જાહેર કરવામાં આવી

આ સંબોધનના માત્ર 11 દિવસ પછી એક આદિવાસી મહિલાને NDA દ્વારા દેશના સર્વોચ્ચ પદ માટે ઉમેદવાર જાહેર કરવામાં આવે છે. મતલબ કે પીએમ મોદીએ નવસારીમાં જે કહ્યું તે કર્યું.

જો દ્રૌપદી મુર્મુ રાષ્ટ્રપતિ પદ માટે ચૂંટાશે તો તે એક મહિલા તરીકે સફળ થશે જ્યારે તે પ્રથમ મહિલા આદિવાસી રાષ્ટ્રપતિ પણ બનશે. એટલું જ નહીં, તે ઝારખંડની રાજ્યપાલ રહી ચૂકી છે અને ઓડિશાની છે. જે 2024ની ચૂંટણીમાં ભાજપ માટે મદદરૂપ સાબિત થઈ શકે છે.

પીએમ મોદીએ આ ટ્વિટ કર્યું હતું

તમને જણાવી દઈએ કે PM મોદીએ મુર્મુના વખાણ કરતા ટ્વિટ કર્યું હતું કે 'લાખો લોકો, ખાસ કરીને જેમણે ગરીબીનો અનુભવ કર્યો છે અને મુશ્કેલીઓનો સામનો કર્યો છે, તેમને શ્રીમતી દ્રૌપદી મુર્મુ જીના જીવનમાંથી ઘણી શક્તિ મળશે, તેમની નીતિથી આપણો દેશ ખૂબ જ સમૃદ્ધ થશે. તેમની બાબતોની સમજણ અને દયાળુ સ્વભાવથી લાભ થયો, મને ખાતરી છે કે તે આપણા દેશના મહાન રાષ્ટ્રપતિ બનશે.