બે દેડકાએ પુરા દેશને હલાવ્યો, ખનન સંબંધિત તમામ કામ રોકવા મજબુર, જાણો શું છે મામલો?

આ વિસ્તાર જૈવવિવિધતાથી ભરેલો છે

ખનન વિસ્તારોની નજીકનો આ વિસ્તાર વિશ્વવ્યાપી જૈવવિવિધતાનું હોટસ્પોટ છે અને સંરક્ષણ માટે મહત્વપૂર્ણ છે. આ દેડકાઓમાંથી એક લોંગ નોઝ હાર્લેક્વિન દેડકા છે, જે છેલ્લે 1989માં જોવા મળ્યા હતા. 2016 માં તેને ફરીથી શોધાયા નહીં ત્યાં સુધી આ દેડકા લુપ્ત હોવાનું માનવામાં આવતું હતું. આ સાથે 2019 માં એક અન્ય દેડકા જે ખૂબ જ દુર્લભ રોકેટ દેડકા હતા, જે છેલ્લે 1985 માં જોવા મળ્યા હતા. બંનેને કોપર માઇનિંગ પ્રોજેક્ટને રોકવા માટે સૂચિબદ્ધ કરવામાં આવ્યા છે.

દેડકા લુપ્ત થવાનો ભય

ઈન્ટરનેશનલ યુનિયન ફોર કન્ઝર્વેશન ઓફ નેચરની રેડ લિસ્ટ મુજબ, એક જંગલમાં હાર્લેક્વિન દેડકા મળી આવ્યા છે, જેને કોપર પ્રોજેક્ટ માટે સોંપવામાં આવ્યું છે. આ કોપર પ્રોજેક્ટનું લક્ષ્ય 2024 સુધીમાં 210,000 ટન કોપરનું ઉત્પાદન કરવાનું છે. જો ખાણકામથી ત્યાંનું પાણી દૂષિત થશે તો લુપ્ત થવાના આરે ઉભેલા આ દેડકા ખતમ થઈ જશે. આ દેડકાની છેલ્લી વસ્તી નાશ પામશે. 2019 માં રોકેટ ફ્રોગ મળ્યા પછી ટેરોને તેમને બચાવવા માટે કોર્ટનો દરવાજો ખટખટાવવાનું વિચાર્યું અને 2020માં કોર્ટમાં દાવો દાખલ કર્યો હતો.

કોર્ટનો દરવાજો ખખડાવ્યો

જંબાતુ સેન્ટરના વૈજ્ઞાનિકોના જણાવ્યા અનુસાર, જ્યારે તેઓએ રોકેટ દેડકાની નવી પ્રજાતિની શોધ કરી ત્યારે તેમને લાગ્યું કે તે એક અલગ દેડકા છે. પરંતુ જ્યારે તેનો આનુવંશિક અભ્યાસ કરવામાં આવ્યો ત્યારે જાણવા મળ્યું કે તે દેડકાની અજાણી પ્રજાતિ છે. આ આશામાં વૈજ્ઞાનિકોએ તેને રેઝિસ્ટન્સ ફ્રોગ નામ આપ્યું. કારણ કે આ દેડકા જે સ્થિતિમાં રહે છે તે અત્યંત મુશ્કેલ છે. હવે આ પછી વૈજ્ઞાનિકોએ કોર્ટનો સંપર્ક કર્યો છે. તેમને આશા છે કે તેમના પ્રયાસોથી ઇક્વાડોરમાં ચાલી રહેલા માઇનિંગને રોકી શકાય છે. સાથે જ ખાણકામ સાથે સંકળાયેલા વેપારીઓને ડર છે કે જો તેઓ કેસ હારી જશે તો તેમને અબજોનું નુકસાન વેઠવું પડી શકે છે.

ઇક્વાડોરે 2008 માં નવું બંધારણ અપનાવ્યું

વૈજ્ઞાનિકોના મતે, 1,000થી વધુ ઉભયજીવી પ્રજાતિઓ છે, જેમાં કેન્ટ્રોલેનિડે પરિવારના 83 સજીવોનો સમાવેશ થાય છે. આ ખાણકામ વિસ્તારની આસપાસ વિવિધ સ્થળોએ જોવા મળે છે. ખાણકામના કારણે અહીં આ જીવોનું અસ્તિત્વ જોખમાઈ રહ્યું છે. તમને જણાવી દઈએ કે ઇક્વાડોરએ 2008માં નવું બંધારણ અપનાવીને વૈશ્વિક હેડલાઇન્સ બનાવી હતી, જેણે "પચામામા" એટલે કે પૃથ્વી માતાનું અસ્તિત્વ સ્થાપિત કર્યું હતું અને "તેના ચક્ર, માળખું, કાર્યો અને ઉત્ક્રાંતિ પ્રક્રિયાઓને જાળવી રાખવા અને પુનઃઉત્પાદન કરવાનો અધિકાર" સ્થાપિત કર્યો હતો.