అలా టాలీవుడ్ లోనే భారీ బడ్జెట్ చిత్రంగా విడుదల కాబోతున్న ఆర్ ఆర్ ఆర్ సినిమా ప్రీ రిలీజ్ ఈవెంట్ కి ప్రభాస్ వస్తున్నాడు అనే ప్రచారం జరుగుతుంది. ఇద్దరు హీరోలకు కూడా ప్రభాస్ చాలా దగ్గరి సన్నిహితుడు. అంతేకాదు ఈ సినిమా దర్శకుడైన రాజమౌళికి అత్యంత సన్నిహితుడు. వీరిద్దరూ కలిసి మూడు సినిమాలను చేయగా రాజమౌళి తన సినిమా కెరీర్ సగం సమయం మొత్తం ప్రభాస్ తోనే ఉండడం విశేషం. ఆ విధంగా ప్రభాస్ తో ఉన్న చనువు కారణంగా రాజమౌళి ఈ సినిమా ప్రీ రిలీజ్ ఈవెంట్ కి గెస్ట్ గా రావాలని అని ఆహ్వానించాడట.

అయితే ఇది ఈ సినిమాలో హీరోలు గా నటిస్తున్న ఈ ఇద్దరు హీరోలకు నచ్చడం లేదని భోగట్టా. మెగా హీరో రామ్ చరణ్ అలాగే యంగ్ టైగర్ ఎన్టీఆర్ ఇద్దరు ఉన్నాక ప్రభాస్ ఎందుకని వారిలో వారే గుస గుస లాడుకుంటున్నారట. ఈ విషయం రాజమౌళి చేరడంతో ప్రభాస్ ను పిలిచి ఆయనను అవమానించడం ఇష్టం లేక మధ్యలోనే ఆ నిర్ణయాన్ని మార్చుకున్నారట. ఏదేమైనా ఈగో లు లేని ఇండస్ట్రీగా ఎదుగుతున్న టాలీవుడ్ సినిమా పరిశ్రమలో ఈ ఇద్దరు ఇలా ఆలోచించారు అనే వార్త బయటకు రావడం పట్ల కొంత మంది నిరాశగా ఉన్నారు. ఇందులో ఎంతవరకు నిజం ఉందో తెలియాల్సి ఉంది.