പ്ര​വാ​സി​യെ ക്വ​ട്ടേ​ഷ​ൻ ന​ൽ​കി കൊ​ല​പ്പെ​ടു​ത്താ​ൻ ശ്ര​മം : ര​ണ്ട് പ്ര​തി​ക​ൾ കൂ​ടി അ​റ​സ്​​റ്റി​ൽ

ക​രു​നാ​ഗ​പ്പ​ള്ളി: വിദേശത്ത് വെച്ചുണ്ടായ ബി​സി​ന​സ്​ ത​ർ​ക്ക​ത്തിന്റെ പേ​രി​ൽ പ്ര​വാ​സി​യെ ക്വ​ട്ടേ​ഷ​ൻ ന​ൽ​കി കൊ​ല​പ്പെ​ടു​ത്താ​ൻ ശ്ര​മിച്ച കേസിൽ രണ്ടുപേർ കൂടി അറസ്റ്റില്ട. ക​രു​നാ​ഗ​പ്പ​ള്ളി അ​യ​ണി​വേ​ലി​കു​ള​ങ്ങ​ര കോ​ഴി​ക്കോ​ട് പ്ര​ഫ​സ​ർ ബം​ഗ്ലാ​വി​ൽ അ​ബ്​​ദു​ൽ സ​മ​ദി​നെ (46) കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ലാണ് അറസ്റ്റ്. ആ​ലു​വ കാ​ഞ്ഞൂ​ർ നെ​ടു​പു​റ​ത്ത് വീ​ട്ടി​ൽ ഗോ​കു​ൽ (25), ആ​ലു​വ കാ​ഞ്ഞൂ​ർ പ​യ്യ​പ്പ​ള്ളി വീ​ട്ടി​ൽ അ​രു​ൺ ജോ​ർ​ജ്​ (28) എ​ന്നി​വ​രാ​ണ് പൊലീസ് പിടിയിലായത്.

കൊ​ല്ലം ശാ​സ്താം​കോ​ട്ട പ​ള്ളി​ശ്ശേ​രി​ക്ക​ൽ സ്വ​ദേ​ശി​യും അ​ബ്​​ദു​ൽ സ​മ​ദിന്റെ ബ​ന്ധു​വു​മാ​യ ഹാ​ഷിം എ​ന്ന​യാ​ളാ​ണ് ര​ണ്ട്​ ല​ക്ഷം രൂ​പ​ക്ക് അ​രി​ന​ല്ലൂ​ർ സ്വ​ദേ​ശി ഷി​നു പീ​റ്റ​ർ ഉ​ൾ​പ്പെ​ടെയുള്ള സം​ഘ​ത്തി​ന്​ ക്വ​ട്ടേ​ഷ​ൻ നൽകിയത്. കൊ​ല്ലം, എ​റ​ണാ​കു​ളം, പാ​ല​ക്കാ​ട് ജി​ല്ല​ക​ളി​ൽ നി​ര​വ​ധി കേ​സു​ക​ളി​ൽ പ്ര​തി​യാണ് ഷിനു.

Read Also: ഫേസ്ബുക്കിൽ പ​രി​ച​യ​പ്പെ​ട്ട പെ​ണ്‍കു​ട്ടി​യെ കാ​ണാനെത്തിയ യുവാവിനെ മർദിച്ച് സ്വർണവും പണവും തട്ടി: ഒരാള്‍ അറസ്​റ്റില്‍

ക​ഴി​ഞ്ഞ ഒ​ക്​​ടോ​ബ​ർ 24ന് ആണ് കേസിനാസ്പദമായ സംഭവം. ​രാ​ത്രി 8.30ഓ​ടെ കാ​റി​ലെ​ത്തി​യ ക്വ​​ട്ടേ​ഷ​ൻ സം​ഘം ശാ​സ്താം​കോ​ട്ട​യി​ൽ നി​ന്നും സ്​​കൂ​ട്ട​റി​ൽ വ​ന്ന സ​മ​ദി​നെ ക​രു​നാ​ഗ​പ്പ​ള്ളി മാ​ർ​ക്ക​റ്റ് റോ​ഡി​ൽ വെച്ച്​ ഇ​ടി​ച്ചു​ വീ​ഴ്ത്തി​യ​ശേ​ഷം ക​മ്പി​വ​ടി​കൊ​ണ്ട് അ​ടി​ച്ച് സാ​ര​മാ​യി പ​രി​ക്കേ​ൽ​പി​ക്കു​ക​യാ​യി​രു​ന്നു.

കൊ​ല്ലം സി​റ്റി ജി​ല്ല പൊ​ലീ​സ് മേ​ധാ​വി ടി. ​നാ​രാ​യ​ണ​ന്​ അ​ബ്​​ദു​ൽ സ​മ​ദ് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ക​രു​നാ​ഗ​പ്പ​ള്ളി പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ സി.​സി.​ടി.​വി ദൃ​ശ്യ​ങ്ങ​ളും ഫോ​ൺ കാ​ളു​ക​ളും പ​രി​ശോ​ധി​ച്ച​തിന്റെ അ​ടി​സ്ഥാ​ന​ത്തി​ലാ​ണ് പ്ര​തി​ക​ളെ കു​റി​ച്ച് സൂ​ച​ന ല​ഭി​ച്ച​ത്.

അ​രു​ൺ ജോ​ർ​ജ് എ​റ​ണാ​കു​ളം ജി​ല്ല​യി​ലെ വി​വി​ധ സ്​​റ്റേ​ഷ​നു​ക​ളി​ൽ നി​ര​വ​ധി കേ​സു​ക​ളി​ലെ പ്ര​തി​യാ​ണ്. കേ​സി​ൽ അ​രി​ന​ല്ലൂ​ർ, ശാ​സ്​​താം​കോ​ട്ട സ്വ​ദേ​ശി​ക​ളാ​യ ഷി​നു പീ​റ്റ​ർ, ഉ​മ​ർ മു​ക്താ​ർ, മു​ഹ​മ്മ​ദ് സു​ഹൈ​ൽ എ​ന്നീ മൂ​ന്ന് പ്ര​തി​ക​ൾ നേ​ര​ത്തെ പി​ടി​യി​ലാ​യി​രു​ന്നു.

ക​രു​നാ​ഗ​പ്പ​ള്ളി എ.​സി.​പി ഷൈ​നു തോ​മ​സിന്റെ നി​ർ​ദേ​ശ​പ്ര​കാ​രം ക​രു​നാ​ഗ​പ്പ​ള്ളി എ​സ്.​എ​ച്ച്.​ഒ ജി. ​ഗോ​പ​കു​മാ​റിന്റെ നേ​തൃ​ത്വ​ത്തി​ൽ എ​സ്.​ഐ​മാ​രാ​യ അ​ലോ​ഷ്യ​സ് അ​ല​ക്സാ​ണ്ട​ർ, ഓ​മ​ന​ക്കു​ട്ട​ൻ, എ.​എ​സ്.​ഐ​മാ​രാ​യ ഷാ​ജി​മോ​ൻ, സി.​പി.​ഒ സ​ലിം എ​ന്നി​വ​ര​ട​ങ്ങി​യ സം​ഘ​മാ​ണ് അ​റ​സ്​​റ്റ്​ ചെ​യ്ത​ത്. പ്രതികളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്​​തു.