ભારે વરસાદને કારણે અનેક લોકો ફસાયા, PM મોદી એ ઉત્તરાખંડ CM સાથે કરી વાતચીત

રામગઢ ગામમાં વાદળ ફાટવાની ઘટના બની

નૈનીતાલના એસએસપી પ્રીતિ પ્રિયદર્શિનીએ જણાવ્યું હતું કે, નૈનીતાલ જિલ્લાના રામગઢ ગામમાં વાદળ ફાટવાની ઘટના બની હતી. વાદળ ફાટ્યા ત્યાંથી કેટલાકઘાયલોને બચાવી લેવાયા છે. જો કે, અસરગ્રસ્ત લોકોની સંખ્યા વિશે ચોક્કસ માહિતી હજૂ સુધી ઉપલબ્ધ નથી. આપત્તિ-રાહત અને બચાવ ટીમ બચાવ કામગીરીમાંશામેલ છે.

નૈની તળાવ ઓવરફ્લો થઈ ગયું

ન્યૂઝ એજન્સી દ્વારા બહાર પાડવામાં આવેલા વીડિયોમાં જોવા મળી રહ્યું છે કે, નૈની તળાવ ઓવરફ્લો થઈ ગયું છે અને તેનું પાણી નૈનીતાલના રસ્તાઓને ડૂબાડી રહ્યુંછે. મકાનો અને મકાનોમાં પાણી ઘૂસી રહ્યું છે. આ વિસ્તારમાં સતત વરસાદ પડી રહ્યો છે.

વડાપ્રધાન મોદી એ કરી ઉત્તરાખંડના મુખ્યમંત્રી સાથે વાતચીત

વડાપ્રધાન નરેન્દ્ર મોદીએ હમણાં જ ઉત્તરાખંડના મુખ્યમંત્રી સાથે ફોન પર વાત કરી છે. તેમણે પરિસ્થિતિનો સામનો કરવા માટે જરૂરી વ્યવસ્થા કરવા જણાવ્યું છે. આસાથે જ મુખ્યમંત્રીએ આપત્તિ-રાહત અને બચાવ કામગીરીને ઝડપી બનાવવાની વાત કરી હતી.