ఇటీవలే ఉప్పెన సినిమాతో భారీ విజయాన్ని తన ఖాతాలో వేసుకుని రెండో సినిమాను త్వరలోనే ప్రేక్షకుల ముందుకు తీసుకు వస్తున్నాడు వైష్ణవ్ తేజ్.  మరోవైపు సాయి ధరమ్ తేజ్ కూడా టాలీవుడ్ సినిమా పరిశ్రమలో ఎన్నో సూపర్ హిట్స్ అందుకొని క్రేజీ హీరో గా ఉన్నాడు. ఇప్పుడు వీరిద్దరూ బ్రదర్స్ కలిసి ఓ సినిమాలో నటిస్తే చూడాలనేది మెగా అభిమానుల కోరిక. కొండపొలం సినిమా ను త్వరలోనే విడుదలకు సిద్ధ చేస్తున్నాడు వైష్ణవ్ తేజ్.  అలాగే సాయి తేజ్ కూడా ఇటీవలే రిపబ్లిక్ విడుదల చేసి సూపర్ హిట్ ను తన ఖాతాలో వేసుకున్నాడు.

ఈ నేపథ్యంలో వీరిద్దరి మధ్య మల్టీస్టారర్ సినిమాను ఎప్పుడు ఎవరు ఎలా చేస్తారో చూడాలి. బైక్ యాక్సిడెంట్ కారణంగా ఆస్పత్రిలో చికిత్స పొందుతున్నాడు సాయి తేజ్. అయితే కోలుకున్న తర్వాత కార్తీక్ అనే నూతన దర్శకుడు సినిమా ను మొదలు పెట్టనున్నారు తేజ్. అటు వైష్ణవ్ కూడా తన మూడో చిత్రాన్ని ఇప్పటికే మొదలుపెట్టాడు. ఈ నేపథ్యంలో ఈ సినిమాలు పూర్తయిన తర్వాత ఎవరైనా దర్శకుడు వీరితో కలిసి మల్టీస్టారర్ సినిమా చేస్తే బాగుంటుందని వారి వారి అభిమానులు కోరుకుంటున్నారు. మరి అభిమానుల కోరిక మేరకు ఎవరైనా దర్శకుడు వీరిద్దరి కోసం ఓ మంచి కథ రాసి వారిని ఒప్పించి సినిమా చేస్తాడా అనేది చూడాలి.