കോതമംഗലം> കോതമംഗലം മാമലക്കണ്ടം ഇളംബ്‌ളാശേരി ആദിവാസി ഊരിലെ ഓണാഘോഷ പരിപാടിയില്‍ പങ്കെടുത്ത് മന്ത്രി പി രാജീവ്. സി പി ഐ എം കോതമംഗലം ഏരിയ കമ്മറ്റിയും പ്രോഗ്രസീവ് ഹോമിയോപ്പത്സ് ഫോറവും സംയുക്തമായാണ് പരിപാടി സംഘടിപ്പിച്ചത്.
ഓണക്കിറ്റ് വിതരണവും മുതിര്‍ന്നവര്‍ക്കുള്ള ഓണക്കോടി വിതരണവും മന്ത്രി നിര്‍വ്വഹിച്ചു. എം പിയായിരിക്കേ 2010 ല്‍ ഊരിലെ വൈദ്യുതീകരണത്തിന് മന്ത്രി തുക അനുവദിച്ചിരുന്നു. പരമ്പരാഗത വേഷത്തിലെത്തിയ ഊരിന്റെ മക്കള്‍ പാട്ടുപാടി നൃത്തം ചവുട്ടിയാണ് മന്ത്രിയെ വരവേറ്റത്. ഊര് മൂപ്പന്‍ മൈക്കിള്‍ മൈക്കിളിനേയും കാണിക്കാരന്‍ രാജപ്പന്‍ കാണിയേയും പൊന്നാട അണിയിച്ച് ആദരിച്ചു.
പട്ടയ പ്രശ്‌നം പരിഹരിക്കാനും വന്യമൃഗശല്യം ഒഴിവാക്കാനും ബന്ധപ്പെട്ട വകുപ്പുകളുമായി ആലോചിച്ച് നടപടി സ്വീകരിക്കുമെന്ന് മന്ത്രി വ്യക്തമാക്കി ആന്റണി ജോണ്‍ എം എല്‍ എ , ഡിവൈഎഫ്‌ഐ സംസ്ഥാന പ്രസിഡന്റ് എസ് സതീഷ്, പാര്‍ട്ടി ഏരിയ സെക്രട്ടറി ആര്‍ അനില്‍ കുമാര്‍, നഗരസഭ ചെയര്‍മാന്‍ കെ കെ ടോമി , പി എന്‍ കുഞ്ഞുമോന്‍, ഡോ ഉമ്മര്‍ അലി , കെ കെ ഗോപി , ആരോമല്‍ മാമലക്കണ്ടം , ശ്രീജ ബിജു എന്നിവരും ഒപ്പമുണ്ടായി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
