કલ્યાણ સિંહની પ્રાર્થના સભામાં રાષ્ટ્રીય ધ્વજ ઉપર બીજેપીનો ઝંડો, વિપક્ષે સાધ્યું નિશાન

ઉત્તરપ્રદેશના પૂર્વ મુખ્યમંત્રી કલ્યાણ સિંહના શ્રદ્ધાંજલિ સમારોહની તસવીર સોશિયલ મીડિયા પર ઝડપથી વાયરલ થઈ રહી છે. કલ્યાણ સિંહનું લાંબી માંદગી બાદ 89 વર્ષની વયે શનિવારે નિધન થયું. રવિવારે વડાપ્રધાન નરેન્દ્ર મોદીએ કલ્યાણ સિંહને શ્રદ્ધાંજલિ આપવા લખનઉ ગયા હતા. પીએમએ કહ્યું કે કલ્યાણ સિંહ એક મૂલ્યવાન વ્યક્તિત્વ અને એક સક્ષમ નેતા હતા જે સામાન્ય લોકો માટે "વિશ્વાસનું પ્રતીક" બન્યા. કલ્યાણ સિંહની છેલ્લી ઝલક ભાજપે ટ્વીટ કરેલી તસવીરમાં કલ્યાણ સિંહનો મૃતદેહ રાષ્ટ્રધ્વજથી લપેટાયેલો જોવા મળે છે, પરંતુ તેનો અડધો ભાગ ભાજપના ધ્વજથી ઢંકાયેલો જોવા મળ્યો હતો.

સોશિયલ મીડિયા પર આ તસવીર પર વિવિધ પ્રતિક્રિયાઓ જોવા મળી રહી છે. યુથ કોંગ્રેસ અધ્યક્ષ શ્રીનિવાસ બીવીએ પૂછ્યું કે, શું નવા ભારતમાં પાર્ટીના ધ્વજને ભારતીય ધ્વજ પર લગાવવો યોગ્ય છે?

Is it ok to place party flag
over Indian flag in New India? pic.twitter.com/UTkfsTwUzz

— Srinivas BV (@srinivasiyc) August 22, 2021

યુથ કોંગ્રેસે તેના સત્તાવાર હેન્ડલ પરથી હિન્દીમાં ટ્વીટ કર્યું હતું કે, "ભારત રાષ્ટ્રધ્વજનું અપમાન સહન નહીં કરે."

Party above the Nation.
Flag above the Tricolor.#BJP as usual :
no regret, no repentance, no sorrow, no grief.#NationalFlag https://t.co/3bUSiDPJXF

— Ghanshyam Tiwari (@ghanshyamtiwari) August 22, 2021

સમાજવાદી પાર્ટીના પ્રવક્તા ઘનશ્યામ તિવારીએ ટ્વીટ કર્યું, "દેશ ઉપર પાર્ટી, તિરંગા ઉપર ભાજપનો ઝંડો. હંમેશની જેમ ભાજપ: કોઈ અફસોસ નથી, કોઈ પસ્તાવો નથી, કોઈ દુ:ખ નથી."

વર્ષની શરૂઆતમાં ખેડૂતોની રેલી દરમિયાન ધ્વજને લાલ કિલ્લા પર અપમાનજનક રીતે જોવામાં આવ્યો હતો. ખેડૂતોએ કિલ્લાના પ્રાંગણમાં પ્રવેશ કર્યો અને ધાર્મિક ધ્વજ ફરકાવ્યો. ત્યારે કેન્દ્રએ કહ્યું હતું કે તે "ધ્વજનો અનાદર સહન કરશે નહીં".