భారతదేశం లోని సమస్యలు ప్రశ్నించుకుంటే ఒక్క సమస్యకు కూడా పరిష్కారం లేదు. ఎన్నో సందేహాలు సమస్యలు పరిష్కారాలను కోరుతున్నాయి. అలాంటప్పుడు ప్రపంచంలోనే ఖ్యాతి పొందిన భారతీయ స్వాతంత్రం యొక్క వజ్రోత్సవం చేసుకోవడానికి మనం ఎంతవరకు ఆర్హులం అనేది మనకి మనమే ప్రశ్నించుకోవాలి. స్వతంత్రం రాకముందు భారతదేశం అంటే విపరీతమైన గౌరవం మర్యాద ఉండేవి ప్రపంచ దేశాల్లో. కానీ స్వతంత్రం వచ్చిన తరువాత మన పాలకుల పాలన వల్ల అన్ని దేశాల్లో ఒక రకమైన చులకన భావం ఏర్పడింది.

వాటిని అధిగమించడానికి ఇంకా కష్టాలు పడుతూనే ఉన్నాం. మన దేశ నాయకులు ఎన్నో సంస్కరణలు ప్రారంభించిన భారత దేశం యొక్క గౌరవ మర్యాదలకు పెంపు ఇవ్వలేక పోయారు. బలమైన తరగతి ఎగువ దిగువ మధ్య తరగతి అంటూ భారతదేశం విడిపోగా, పన్నుల పేరిట ప్రజలను పీల్చిపిప్పి చేస్తున్నాయి ప్రభుత్వాలు. అది చాలదు అన్నట్లు ఇప్పుడు కొత్త కొత్త కూడా టాక్స్ లు ప్రవేశ పెడుతుంది. 150 కోట్ల భారతదేశ జనాభాలో 100 కోట్లు పేద ప్రజలు ఉన్నారు అలాంటి దేశంలో ఈ పన్నుల  బెడద పోయేది ఎప్పుడో. స్వతంత్రం వచ్చినప్పుడు 52 వేల కిలోమీటర్ల రైల్వే లైన్ ఉండేది. 2021లో 80 వేల కిలోమీటర్ల రైల్వే లైను ఉంది. తెల్లవారు రైల్వే ఎక్కడ నిర్మించుకుంటూ వెళ్లారో దానికి సమాంతరంగా మరో రైలు లైన్లను నిర్మించారు. కొత్త రైల్వే లైను చేపట్టిన ప్రాజెక్టులు  12 కిలోమీటర్ల మాత్రమే అని చెప్పవచ్చు.