ఇక మొదటి నుంచి నయనతార పై ఉన్న ఒకే ఒక కంప్లైంటు ఆమె సినిమా ప్రమోషన్స్ కు హాజరు కాకపోవడం. ముఖ్యంగా తెలుగు సినిమాల విషయంలో ఆమె చాలా నిర్లక్ష్యం గా వ్యవహరిస్తూ ఉంటుంది. ఏ సినిమాకైనా హీరో హీరోయిన్లు ప్రమోషన్ లో పాల్గొనాలి కానీ నయనతార మాత్రం ఎలాంటి ప్రమోషన్ లలో పాల్గొనదు. అది అగ్రిమెంట్లో క్లియర్ గా మెన్షన్ చేస్తుంది కూడా. చాలా సార్లు ఆమెతో పనిచేసిన నిర్మాతలు ఆమె పై ఇలాంటి కంప్లైంట్ ఇవ్వగా అగ్రిమెంట్ లో ఉన్న దాన్ని చూపి నయనతార ఈజీగా ఎస్కేప్ అయ్యేది. 

ప్రమోషన్ లో పాల్గొంటే ఏమవుతుందో ఏమో తెలియదు కానీ నయనతార మాత్రం సినిమా షూటింగ్ వరకే పరిమితమై ఆ తర్వాత కంటికి కనబడకుండా పోతుంది. ఇకపోతే ఆమె తన ప్రియుడు విగ్నేష్ సినిమా చేస్తే మాత్రం అన్ని దగ్గరుండి చూసుకుంటుంది. సినిమా షూటింగ్ దగ్గర నుంచి ప్రమోషన్ వరకు ముందుండి నడిపిస్తుంది. అలాంటి ఆసక్తి ఇంట్రెస్ట్ ఇతర సినిమాల పై ఎందుకు ఉండదని కొంతమంది ప్రశ్నిస్తున్నారు. దానికి సమాధానం గా అగ్రిమెంట్లో ఎలా ఉంటే నేను అలానే వ్యవహరిస్తాను. దానికి మాత్రమే ఒప్పుకుంటాను అని చెప్పి వారి నోళ్ళు ముయిస్తుంది. నయనతార ఏం చెప్పినా నడుస్తుంది అంటే ప్రజల్లో ఆమెకు ఉండే క్రేజ్ వేరే అని అర్థం చేసుకోవచ్చు.