ന്യൂഡൽഹി
അക്കൗണ്ട് പൂട്ടിയ ട്വിറ്ററിന്റെ നടപടി ജനാധിപത്യവിരുദ്ധമെന്ന്‌ കോൺഗ്രസ്‌ നേതാവ്‌ രാഹുൽഗാന്ധി എംപി. ട്വിറ്ററിൽ രണ്ട്‌ കോടിയോളം പേർ പിന്തുടരുന്നു. അറിയാനുള്ള അവരുടെ അവകാശം നിഷേധിച്ചു.
രാജ്യത്തെ ജനാധിപത്യസംവിധാനത്തിനുനേരെയുള്ള ആക്രമണമാണിത്‌ –-യുട്യൂബ് വീഡിയോയിൽ രാഹുൽ പറഞ്ഞു.പാർലമെന്റിൽ സംസാരിക്കാൻ അനുവദിക്കുന്നില്ല. മാധ്യമങ്ങളെ നിയന്ത്രിക്കുന്നു. ട്വിറ്ററും സർക്കാരിനെ അനുസരിക്കുകയാണെന്ന് ഇപ്പോൾ വ്യക്തമായി–- രാഹുൽ പറഞ്ഞു.
ഡൽഹിയിൽ ബലാത്സംഗംചെയ്‌ത്‌ ക്രൂരമായി കൊലപ്പെടുത്തിയ ദളിത്‌ ബാലികയുടെ രക്ഷിതാക്കൾക്കൊപ്പമുള്ള ചിത്രം ട്വീറ്റ്‌ ചെയ്‌തുവെന്ന പേരിലാണ്‌ രാഹുല്‍, രൺദീപ്‌ സുർജെവാല, അജയ്‌ മാക്കൻ, സുഷ്‌മിത ദേബ്‌, മാണിക്യം ടാഗോർ തുടങ്ങിയ കോണ്‍ഗ്രസ് നേതാക്കളുടെ അക്കൗണ്ട് ട്വിറ്റർ മരവിപ്പിച്ചത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
