సినిమా కోసం బరువు పెరిగిన హీరోయిన్ ల జాబితాలో అనుష్క ముందు వరుసలో ఉంటుంది. సైజ్ జీరో సినిమా కోసం ఆమె బరువు పెరిగి ఆ తర్వాత బరువు తగ్గడం కోసం ఇప్పటికీ కష్టపడుతున్న విషయం తెలిసిందే. బాలీవుడ్ స్టార్ హీరోయిన్ ప్రియాంక చోప్రా ఓ ఆంగ్లో-ఇండియన్ మూవీ కోసం పది సంవత్సరాల క్రితమే బరువు పెరిగారు. మూడు నెలల్లో ప్రియాంక చోప్రా ఊహించని స్థాయిలో బరువు పెరగడం గమనార్హం. మరో బాలీవుడ్ స్టార్ హీరోయిన్ భూమిక కూడా సినిమా కోసం బొద్దు గా మారిన హీరోయిన్ల జాబితాలో చేరిపోయారు.

డర్టీ పిక్చర్ సినిమా కోసం బాలీవుడ్ హీరోయిన్ విద్యాబాలన్ కూడా బరువు పెరిగారు. సిల్క్ స్మిత బయోపిక్ గా తెరకెక్కిన ఈ సినిమాలో ఆమెలా కనిపించడం కోసం ఏకంగా 12 కేజీల బరువు పెరిగారు. అలాగే బాలీవుడ్ సినిమాల్లో స్లిమ్ గా కనిపించే కంగనా రనౌత్ కూడా జయలలిత జీవిత చరిత్ర ఆధారంగా తెరకెక్కుతున్న తలైవి సినిమా కోసం బరువు పెరిగారు. ఈ పాత్ర కోసం ఆమె ఏకంగా పది కిలోల బరువు తగ్గినట్లు తెలుస్తోంది. ఆర్ఎక్స్ 100 సినిమాలో తన అందంతో ఆకట్టుకున్న హీరోయిన్ పాయల్ రాజ్ పుత్ కూడా బరువు పెరగారు. ఏదేమైనా సినిమా కోసం ఏదైనా చేస్తూ ఈ హీరోయిన్లు సినిమా పట్ల తమ అంకితభావాన్ని చూపిస్తున్నారు.