ఇక తాజాగా గుంటూరులో ప్రారంభమయిన ఈ ఆటిజం థెరపీ సెంటర్‌ లో న్యూరోడైవర్సిటీని ప్రోత్సాహించడానికి అత్యాధునిక సేవలు, ఇన్ క్లాస్ క్లినికల్ కేర్ అందిస్తున్నారు. స్పెషలిస్టుల ఆధ్వర్యం లో పిల్లల మానసిక వికాసాన్ని పెంచే విధంగా శిక్షణ కల్పిస్తోంది. ఇందులో ఆటిజం థెరపీ, స్పీచ్ థెరపీ, ఆక్యుపేషనల్ థెరపీ, బిహేవియరల్ థెరపీ, సైకలాజికల్ కౌన్సిలింగ్, ఆటిజం స్పెక్ట్రం డిజార్డర్‌తో బాధ పడుతున్న పిల్లలకు ప్రత్యేక చికిత్స చేస్తారు. అలాగే విద్య, డ్యాన్స్ థెరపీ, మ్యూజిక్ థెరపీ, యోగ థెరపీ, హైడ్రో థెరపీ, ఫిజియో థెరపీ, అసెస్‌మెంట్, గ్రూప్ డిస్కర్షన్స్ వంటి సేవలు కూడా కల్పిస్తారు. 

 

 

పినాకిల్ బ్లూమ్స్ నెట్‌వర్క్ సేవలు పొందేందుకు ఉచిత జాతీయ హెల్ప్ లైన్ నెంబర్: 9100 181181 కూడా అందుబాటులో ఉంది.  ఇక ఈరోజు ప్రారంభ వేడుకలో పాల్గొన్న  మాజీ మంత్రి ఆలపాటి రాజా మాట్లాడుతూ ప్రపంచ వ్యాప్తంగా మానసిక రుగ్మతలతో బాధపడుతున్న చిన్నారులకు పినాకిల్ బ్లూమ్స్ ద్వారా అధునాతనమైన థెరపీ అందించడం శుభపరిణామమని అన్నారు. పిల్లల్లో ఎదుగుదల లోపం కారణంగా తల్లిదండ్రులు మానసికంగా కుంగిపోతున్నారని వారికి ఊరట కలిగేలా  పినాకిల్ బ్లూమ్స్ మరిన్ని కేంద్రాలు  ఏర్పాటు చేయాలని ఆయన ఆకాంక్షించారు. ఇక ఇప్పటికే విశాఖ పట్నం, విజయవాడలో సేవలు అందిస్తున్న సంస్థ ఇప్పుడు గుంటూరు జిల్లా వారి కోసం ఇక్కడ కూడా ఒక కేంద్రాన్ని ఏర్పాటు చేసింది.