കോഴിക്കോട് > പാണക്കാട് ഹൈദരലി ശിഹാബ് തങ്ങള്‍ക്ക് വീണ്ടും എന്‍ഫോഴ്‌സ്‌മെന്റ് ഡയറക്ടറേറ്റിന്റെ നോട്ടീസ്. മുസ്ലിം ലീഗ് മുഖപത്രമായ ചന്ദ്രികയിലെ നിക്ഷേപവുമായി ബന്ധപ്പെട്ടാണ് നോട്ടീസ്. വെള്ളിയാഴ്‌ച ചോദ്യം ചെയ്യലിന് ഹാജരാകാനാണ് ഇ ഡി നിര്‍ദേശം.
ചന്ദ്രികയില്‍ 10 കോടി രൂപ നിക്ഷേപിച്ച കേസില്‍ നേരത്തേ തന്നെ ശിഹാബ് തങ്ങളെ ഇഡി ചോദ്യം ചെയ്തിരുന്നതായി ഡോ.കെ ടി ജലീല്‍ വാര്‍ത്താസമ്മേളനത്തില്‍ വെളിപ്പെടുത്തിയരുന്നു. ഇഡി അന്ന് നല്‍കിയ നോട്ടീസും ജലീല്‍ പുറത്തുവിട്ടു. ഹാജരാകാതിരുന്നതിനാല്‍ ഇഡി പാണക്കാട്ടെത്തി ചോദ്യം ചെയ്യുകയായിരുന്നു. എന്നാല്‍ ശിഹാബ് തങ്ങളെ ഇ ഡി ചോദ്യം ചെയ്തിട്ടില്ലെന്നും ചില കാര്യങ്ങളില്‍ വ്യക്തത തേടുകയായിരുന്നുവെന്നുമാണ് പി കെ കുഞ്ഞാലിക്കുട്ടി പ്രതികരിച്ചത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
