ജീവിതത്തില്‍ ഏറ്റവും കൂടുതല്‍ പ്രതിസന്ധി അനുഭവിക്കുന്ന ദോഷങ്ങളില്‍ ഒന്നാണ് കേമദ്രുമ യോഗം. പലപ്പോഴും നമുക്ക് ചിന്തിക്കാന്‍ പോലും പറ്റാത്ത തരത്തിലുള്ള ദോഷങ്ങളാണ് കേമദ്രുമ യോഗം കൊണ്ട് വരുന്നത്.
ആര്‍ക്കാണോ കേമദ്രുമ യോഗം ഉള്ളത് അവരുടെ മാതാവ്, മനസ്സുഖം, ബുദ്ധി, സമ്പത്ത് എന്നിവയെ എല്ലാം ദോഷം ബാധിക്കുന്നുണ്ട്. ഇത് നിങ്ങളുടെ ജാതകത്തില്‍ കൃത്യമായി രേഖപ്പെടുത്തിയിട്ടുണ്ടാവും. ജാതക ദോഷം പല വിധത്തിലാണ് നിങ്ങളുടെ ജീവിതത്തെ ബാധിക്കുന്നത്.
ഈ ദോഷമുള്ള വ്യക്തിയുടെ ജാതകത്തില്‍ ചന്ദ്രന്‍ ഒറ്റപ്പെട്ട അവസ്ഥയില്‍ ആയിരിക്കും നിലനില്‍ക്കുന്നത്. മറ്റ് ഗ്രഹങ്ങളോടെ ചേരാതെ നില്‍ക്കുന്ന ഈ അവസ്ഥയില്‍ കൂടുതല്‍ ശ്രദ്ധിക്കേണ്ടതാണ്. ഒരു വ്യക്തിയുടെ പൂര്‍വ്വ ജന്മത്തില്‍ ഉണ്ടാവുന്ന കര്‍മ്മഫലങ്ങളാണ് പലപ്പോഴും ഈ ജന്മത്തില്‍ നിങ്ങള്‍ക്ക് ഗുണദോഷം നല്‍കുന്ന ഫലങ്ങളായി മാറുന്നത്. ഇതാണ് ജ്യോതിഷത്തിലെ തത്വം. അതുകൊണ്ട് തന്നെ പാപം ചെയ്ത കര്‍മ്മത്തിന്റെ ഫലം ഈ ജന്മത്തില്‍ അനുഭവിക്കുകയാണ് കേമദ്രുമ യോഗത്തിലൂടെ എന്നാണ് വിശ്വാസം.
Post Your Comments