తాజా సమాచారం ప్రకారం యషికా స్పృహలోకి వచ్చిందట. ఆమె చేయి, కాలు, తుంటి భాగానికి బాగా గాయాలయ్యాయి. ప్రస్తుతం యషికా చెన్నై అపోలో ఆసుపత్రిలో చికిత్స పొందుతోంది. మరోవైపు ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు. ఘటనా స్థలాన్ని పరిశీలించిన పోలీసులు ఈ గ్యాంగ్ మద్యం తాగి వాహనం నడిపి ఉంటారని అనుమానిస్తున్నారు. ఆ దిశగానే విచారణ చేపట్టారు. యషికా స్పృహలోకి వచ్చింది కాబట్టి ఆమె స్టేట్మెంట్ తీసుకునే అవకాశం ఉంది. మరి తదుపరి వారు ఎలాంటి చర్యలు తీసుకుంటారో చూడాలి. ఇక యాక్సిడెంట్ కు గురైన ఆమె కారును చూస్తే ఒళ్లుగగుర్పొడవాల్సిందే. అంతగా నుజ్జునుజ్జయిపోయింది. దీంతో వారు చాలా స్పీడ్ గా బండిని డ్రైవ్ చేసి ఉంటారని అంటున్నారు. ఇక యషికా అభిమానులు ఆమె వేగంగా కోలుకోవాలని కోరుకుంటున్నాను.