మరొక వెరైటీ కాన్సెప్టుతో రవితేజతో చేసిన రాజా ది గ్రేట్ సినిమా బాక్సాఫీస్ వద్ద సూపర్ హిట్ గా నిలిచి అందరికీ మంచి పేరును తీసుకువచ్చింది. ఇక ఫ్యామిలీ ఎంటర్ టైనర్ గా తెరకెక్కిన ఎఫ్2 సినిమా సృష్టించిన రికార్డుల సంగతి ప్రత్యేకంగా చెప్పనవసరం లేదు. మహేష్ బాబు తో తీసిన సరిలేరు నీకెవ్వరు సినిమా కూడా సూపర్ హిట్ గా నిలిచి ఆయనకు వరుసగా నాలుగు విజయాన్ని నమోదు చేసింది. ఈ విధంగా వరుస విజయాలతో దూసుకుపోతున్న ఈ దర్శకుడితో సినిమా చేయాలని ప్రతి ఒక్క హీరో అనుకుంటున్న నేపథ్యంలో త్వరలోనే మహేష్ బాబు తో కూడా మరొక సినిమా చేస్తాడని వార్తలు వస్తున్నాయి. 

నందమూరి బాలకృష్ణ తో అనిల్ రావిపూడి సినిమా ఓకే చేసుకున్నాడని కూడా వార్తలు మరోవైపు వినిపిస్తున్నాయి. ప్రస్తుతం ఎఫ్2 సినిమా సీక్వెల్ ఎఫ్3 చేస్తున్న అనిల్ రావిపూడి ఈ సినిమా తర్వాత ఇద్దరు బిజీ హీరోలతో సినిమా చేయడం ఇప్పుడు చర్చనీయాంశంగా మారింది. నందమూరి బాలకృష్ణ అఖండ సినిమాను పూర్తి చేసి గోపీచంద్ మలినేని సినిమా చేస్తున్నాడు ఈ సినిమా పూర్తయ్యే సరికి మరో సంవత్సరమైనా పడుతుంది. మహేష్ బాబు కూడా రాజమౌళి త్రివిక్రమ్ ల తో సినిమాను ఒకే చేసుకున్నాడు. సో మహేష్ బాబు కూడా ఇప్పట్లో సినిమా లేనట్లే. ఈ విధంగా వీరిద్దరితో ఎవరితో సినిమా చేయాలన్నా అనిల్ రావిపూడి కి చాలా సమయం తీసుకుంటుంది. మరి ఆయన మనసు మళ్ళీ మార్చుకుంటాడా చూడాలి.