మొదటి సినిమాతోనే స్టార్ హీరోయిన్ గా పేరు తెచ్చుకున్న ఈమె ప్రస్తుతం పెద్ద పెద్ద సినిమా అవకాశాలు తన చేతిలో ఉంచుకుంది. నాని హీరోగా నటిస్తున్న రాహుల్ సాంకృత్యాయన్ దర్శకత్వంలో తెరకెక్కుతున్న వినూత్నమైన చిత్రం శ్యామ్ సింగ రాయ్ అనే చిత్రంలో కృతి శెట్టి హీరోయిన్ గా నటిస్తుండగా రామ్ హీరోగా లింగుస్వామి దర్శకత్వంలో తెరకెక్కుతున్న మాస్ ఎంటర్టైనర్ సినిమాలో కూడా ఈమె హీరోయిన్ గా నటిస్తుంది. ఈ రెండు సినిమాలు ఇద్దరు పెద్ద హీరోలు కావడంతో ఈమె స్టార్ హీరోయిన్ అయిపోయింది అని అంటున్నారు ఆమె అభిమానులు.

ఈ సినిమాలే కాకుండా మిడిల్ రేంజ్ హీరోల సినిమాలు కూడా ఆమె చేస్తుండడం గమనార్హం. సుధీర్ బాబు హీరోగా నటిస్తున్న ఆ అమ్మాయి గురించి మీకు చెప్పాలి అనే సినిమా లో హీరోయిన్ గా నటిస్తుంది ఈ ముద్దుగుమ్మ. ఇవే కాకుండా మరో పెద్ద చిత్రాల్లో కూడా ఆమె సైన్ చేసిందట. వీటిలో ఒక బడా హీరో చిత్రం కూడా ఉందట. ప్రస్తుతం కృతి శెట్టి టైం టాలీవుడ్ లో నడుస్తుంది అని చెప్పవచ్చు ఆమె అడుగు తీసి అడుగు వేసే లోపల పెద్ద హీరోల సినిమా అవకాశాలు వచ్చి పడుతున్నాయి. ఈ నేపథ్యంలో కృతి శెట్టి తన లేలేత అందాల జోరు టాలీవుడ్ లో ఏవిధంగా చూపిస్తుందో చూడాలి. భవిష్యత్తులో తమిళ పరిశ్రమలోకి కూడా వెళ్లబోతున్న అని చెబుతోంది.