ఇప్పటికే విడుదలైన ఈ సినిమా టీజర్ ప్రేక్షకులను విపరీతంగా ఆకట్టుకోగా ఈ సినిమా విడుదల కోసం ప్రభాస్ ఫ్యాన్స్ కళ్ళు కాయలు కాచేలా ఎదురు చూస్తున్నారు. ఇంతకీ ఈ సినిమా విడుదల కాకపోవడంతో సోషల్ మీడియాలో యు.వి.క్రియేషన్స్ బ్యానర్ కామెంట్లు పెడుతున్నారు ప్రభాస్ సినిమా త్వరగా విడుదల చేయాలని డిమాండ్ చేస్తున్నారు. వాస్తవానికి రాధేశ్యాం సినిమా ఎప్పుడో విడుదల కావాల్సింది. ఓ వైపు కరోనా మరోవైపు సినిమా రీ షూటింగ్ ల కారణంగా ఈ సినిమా విడుదల ఆలస్యం అవుతూ వస్తుంది. సినిమా అనుకున్నట్లు రాలేదని ప్రభాస్ సాహో ఫలితం వల్ల ఈ సినిమాను పలుమార్లు  రీ షూట్ లు చేయించగా తాజాగా కూడా ప్రభాస్ ఈ సినిమా రీ షూట్ చేయిస్తున్నాడట. 

ప్రభాస్ ఇలా రీషూట్ మీద రీ షూట్ లు చేసుకుంటూ పోతే సినిమాను ఎప్పుడు చూసేది అంటూ ప్రభాస్ అభిమానులు వాపోతున్నారు. రాధే శ్యామ్ సినిమా ఇలా రీషూట్ చేసుకుంటూ పోతే ఈ సంవత్సరం కూడా ఆ సినిమాని చూడలేము కావచ్చు అని చెబుతున్నారు. ఇదిలా ఉంటే ప్రభాస్ దీని తర్వాత ప్రశాంత్ నీల్ దర్శకత్వంలో సలార్ అనే సినిమా చేస్తున్న విషయం తెలిసిందే. ఈ సినిమా కూడా దాదాపు పూర్తి కావచ్చింది. ఈ నేపథ్యంలో చాలా తక్కువ గ్యాప్ తోనే ఈ రెండు సినిమాలు విడుదల అవుతాయి. బాలీవుడ్ ఎంట్రీ చేస్తున్న ఆదిపురుష్ నాగ్ అశ్విన్ తో సైంటిఫిక్ థ్రిల్లర్ చిత్రాలు కూడా లైన్ లో పెట్టాడు ప్రభాస్.