తెలుగు చలన చిత్ర పరిశ్రమలోనే ఇప్పటికీ ఎప్పటికీ సూపర్ హిట్ గా నిలిచే చిత్రం గుండమ్మ కథ. ఎన్టీఆర్ ఏఎన్నార్ హీరోలుగా సావిత్రి జమున హీరోయిన్స్ గా నటించిన ఈ సినిమా అప్పట్లో భారీ హిట్ చిత్రం. ఎస్.వి.రంగారావు సూర్యకాంతం ప్రధాన పాత్రల్లో నటించిన ఈ సినిమా టీవీలో ఇప్పటికీ వచ్చిన దానికి ఉండే క్రేజ్ వేరే. టీవీలకు జనాలు అతుక్కుపోయి మరీ ఈ సినిమాను మళ్ళీ మళ్ళీ చూస్తూ ఉంటారు.  ప్రముఖ నిర్మాణ సంస్థ విజయా సంస్థ నిర్మించిన ఈ సినిమా మాటలు డి.వి.నరసరాజు రాశారు. 

రీమేక్ సినిమాగా తెరకెక్కిన ఈ సినిమా చేయాలన్న ఆలోచన వచ్చినప్పుడు స్టార్ కాంబినేషన్ కుదరక ఈ సినిమా కార్యరూపం దాల్చలేదు. చివరికి ఎన్టీఆర్ ఏఎన్నార్ లు ఈ సినిమా కలిసి చేయడానికి ఒప్పుకోవడంతో ఈ సినిమా తెరకెక్కి సూపర్ హిట్ గా నిలిచింది. ఆ తర్వాత కాలంలో ఈ సినిమాను నందమూరి అక్కినేని వారసులు తెరకెక్కించాలని చూసిన వర్కవుట్ అవ్వలేదు. నాగార్జున బాలకృష్ణ ఈ సినిమా చేయాలని కొంత ప్రయత్నించినప్పటికీ సరైన రీజన్ అయితే తెలియదు కానీ ఆ సినిమా ఆగిపోయింది. అలాగే ఈ తరం జనరేషన్ లో ఎన్టీఆర్ నాగచైతన్య కూడా ప్రయత్నించగా ఇద్దరు స్టార్డమ్ లు వేరువేరుగా ఉండడంతో ఈ సినిమా కార్యరూపం దాల్చలేదు. దాంతో గుండమ్మ కథ సినిమాను ఈ తరం జనరేషన్ చేయాలని భావించగా అది వర్కవుట్ అవ్వలేదు.