ఇప్పుడు ఉన్న చాలా మంది సీనియర్ దర్శకులు ఏళ్ల తరబడి ఒక డైరెక్టర్ దగ్గర పనిచేసి నేర్చుకుని ఆ తర్వాత డైరెక్ట్ చేసే ఛాన్స్ కొట్టేసి సినిమాలు హిట్ చేసుకుని పెద్ద డైరెక్టర్ లు గా ఎదిగారు. అంత ఈజీగా డైరెక్టర్లకు డైరెక్షన్ ఛాన్స్ ఇచ్చేవారు కాదు నిర్మాతలు. ఒక డైరెక్టర్ ని నమ్మి అన్ని కోట్లు పెట్టి సినిమా తీసే ధైర్యం ఉన్న నిర్మాతలు చాలా తక్కువ మంది ఉన్నారు ఆ రోజుల్లో. కోదండరామిరెడ్డి ఎంతోమంది దర్శకుల దగ్గర పని నేర్చుకొని ఆ తర్వాత వారి ద్వారానే డైరెక్షన్ ఛానల్స్ ను పొంది ఇప్పుడు టాప్ డైరెక్టర్ గా ఎదిగాడు.

దర్శకుడిగా ఎంట్రీ ఇవ్వాలని ఛాన్సుల కోసం ఎదురుచూస్తున్న సమయంలో కె.ఎస్.రామారావు అనే కుర్రాడు లక్ష్మీ ఫిలింస్ అధినేత లింగమూర్తి గారికి రైట్ హ్యాండ్ గా ఉంటూ ప్రాజెక్టులను హ్యాండీల్ చేసుకునేవాడు. ఓ రోజు డైరెక్షన్ చేస్తారా అని కోదండరామిరెడ్డి ని రామారావు అడగగా అప్పటికే సినిమా తీయాలనే కసితో ఉన్న కోదండరామిరెడ్డి లో ఉత్సాహం ఎగసిపడింది. ఆ విధంగా హీరో కృష్ణ గారి బావమరిది సూర్యనారాయణ బాబు ఓ సినిమా చేయాలని ప్లాన్ చేస్తున్నాడని తెలిసి అక్కడికి కె.ఎస్.రామారావు ద్వారా చేరుకున్న కోదండరామిరెడ్డి నిన్ను దర్శకుడిగా పరిచయం చేస్తాను అని చెప్పి అవకాశం ఇవ్వగా షూటింగ్ కి వెళ్లే సమయానికి బ్రేక్ పడింది. ఆ తర్వాత సూర్యనారాయణ బాబు బ్యానర్ పెట్టి ఆయనకు అవకాశం ఇచ్చారు. ఆ రోజు ఆయన ఇచ్చిన మాట ఈరోజు దిగ్గజం దర్శకుడి ని తయారుచేసింది.