ചെന്നൈ : കൊവിഡ് മൂലം നിര്‍ത്തിവെച്ച ഈ വര്‍ഷത്തെ ഐ.പി.എല്ലില്‍ ചെന്നൈ സൂപ്പര്‍ കിംഗ്‌സ് നിലവില്‍ പോയിന്റ് പട്ടികയില്‍ രണ്ടാമതാണ്. ഐ.പി.എല്ലിന്റെ ഈ സീസണിലെ ബാക്കി മത്സരങ്ങള്‍ സെപ്റ്റംബറില്‍ യു.എ.ഇയില്‍ ആരംഭിക്കും.
Read Also : എയര്‍ ആംബുലന്‍സ് എത്തിയില്ല : ലക്ഷദ്വീപില്‍ നിന്നെത്തിയ ഗര്‍ഭിണിയും കുഞ്ഞും മരിച്ചു
അതേസമയം ചെന്നൈ സൂപ്പര്‍ കിംഗ്‌സ് ക്യപ്റ്റൻ എം.എസ്. ധോണി വിരമിക്കുകയാണെങ്കില്‍ താനും വിരമിക്കുമെന്ന് സുരേഷ് റെയ്‌ന പറഞ്ഞു. ‘ധോണി അടുത്ത സീസണില്‍ കളിക്കുന്നില്ലെങ്കില്‍ ഞാനും കളിക്കില്ല. ധോണി കളിച്ചാൽ ഞാനും കളിക്കും,’ റെയ്‌ന പറഞ്ഞു.
ഐ പി എല്ലിൽ എം.എസ്. ധോണി കളിക്കില്ലെങ്കില്‍ താന്‍ മറ്റേതെങ്കിലും ടീമിനു വേണ്ടി കളിക്കുമെന്ന് കരുതേണ്ടെന്നും റെയ്‌ന പറഞ്ഞു. ന്യൂസ് 24 സ്‌പോര്‍ട്‌സിനോടായിരുന്നു റെയ്‌നയുടെ പ്രതികരണം. ധോണി അന്താരാഷ്ട്ര ക്രിക്കറ്റില്‍ നിന്ന് വിരമിച്ച അതേദിവസം തന്നെയാണ് റെയ്‌നയും വിരമിക്കല്‍ പ്രഖ്യാപിച്ചത്.
Post Your Comments