ఆసుపత్రిలో ఐసియులో వెంటిలేటర్ సహాయంతో ఉన్న వీరభద్ర సింగ్ ఆరోగ్యం నిరంతరం క్షీణించడంతో ఆయన కన్నుమూశారు. ఆయన రెండు సార్లు కరోనా బారిన పడి కోలుకున్నారు. ఇక ఆరుసార్లు రాష్ట్ర సీఎంగా ఉన్న సింగ్ ఏప్రిల్ 23 నుండి వైద్య పర్యవేక్షణలో ఉన్నారు. జూన్ 11న ఆయనకు మళ్లీ కరోనా ఇన్ఫెక్షన్ వచ్చింది.  వీరభద్ర సింగ్ తొమ్మిది సార్లు ఎమ్మెల్యే. ఐదుసార్లు ఎంపీగా కూడా ఎన్నికయ్యారు. సిఎంగా ఆరుసార్లు రాష్ట్ర పగ్గాలు చేపట్టారు. ప్రస్తుతం సోలన్ జిల్లాలోని ఆర్కి నుంచి ఎమ్మెల్యేగా ఉన్నారు.