తండ్రి పేరిట పార్టీ ప్రకటించిన వైయస్ షర్మిల అనంతరం ప్రసంగించారు. వైయస్ మాటిస్తే ప్రాణం ఇచ్చినట్టేనని, వైయస్ రాజశేఖర్ రెడ్డి సంక్షేమ కార్యక్రమాలు మళ్లీ తీసుకురావడానికి వైయస్ 72వ జన్మదినోత్సవం రోజున పార్టీ ఆవిర్భావానికి శ్రీకారం చుట్టడం జరిగిందని అన్నారు. తెలంగాణ ప్రజలకు వైఎస్ రాజశేఖరరెడ్డి ఎన్నో సంక్షేమ కార్యక్రమాలను అందించారని అన్నారు. 

వైఎస్ఆర్ తెలంగాణ పార్టీ లో మూడు ముఖ్య అంశాలు సంక్షేమం, స్వయం, సమృద్ధి, సమానత్వం అని అన్నారు. మొదటి అంశం సంక్షేమం ప్రజలకు ఆత్మ నిబ్బరం, దీని ద్వారా కలిగించగల  రేపటి భరోసా ఎలా కలిగించగలమో అదే సంక్షేమం అని అన్నారు. వైయస్సార్ చేసిన సంక్షేమ సంతకం సంక్షేమ బాట ఎప్పటికీ రోల్ మోడల్ అని అన్నారు. రైతు ఎప్పటికీ చల్లగా ఉండాలని రుణమాఫీ చేసి ఉచిత విద్యుత్ ఇచ్చారని, పావలా వడ్డీకే రుణాలు ఇచ్చారు, ఏది వీలు అయితే అది చేశారని అన్నారు.