ఇక ఆ తర్వాత ఏం జరిగిందో అందరికీ తెలుసు. వైఎస్సార్ మరణించడం, జగన్ కాంగ్రెస్ వీడి వైసీపీ పెట్టడం జరిగాయి. అప్పుడు జరిగిన కడప ఉపఎన్నికలో జగన్ దేశంలో ఎప్పుడు లేని విధంగా భారీ మెజారిటీతో గెలిచారు. 2014, 2019 ఎన్నికల్లో వైసీపీ తరుపున వైఎస్ అవినాష్ రెడ్డి గెలుస్తూ వస్తున్నారు. దీంతో ఇక్కడ టీడీపీ జెండాకు చోటు లేకుండా పోయింది. మళ్ళీ ఇక్కడ టీడీపీ జెండా ఎగరడం చాలా అంటే చాలా కష్టమని విశ్లేషకులు చెబుతున్నారు.

రాష్ట్రంలో టీడీపీ గాలి ఉన్నా సరే కడప పార్లమెంట్‌లో మాత్రం టీడీపీకి మాత్రం ఛాన్స్ రాదని చెబుతున్నారు. భవిష్యత్‌లో ఇక్కడ టీడీపీ జెండా కనబడటం కష్టమే అంటున్నారు. అలాగే కడప పార్లమెంట్ పరిధిలో ఉన్న ఏడు అసెంబ్లీ స్థానాల్లో కూడా టీడీపీకి భవిష్యత్ కనిపించడం లేదని తెలుస్తోంది.

కడప పార్లమెంట్ పరిధిలో బద్వేల్, కడప, ప్రోద్దటూరు, మైదుకూరు, జమ్మలమడుగు, పులివెందుల, కమలాపురం నియోజకవర్గాలు ఉన్నాయి. గత రెండు ఎన్నికల్లో ఈ ఏడు అసెంబ్లీ స్థానాల్లో టీడీపీ గెలవ లేదు. ఈ నియోజకవర్గాలన్నీ వైసీపీకి కంచుకోటలుగా ఉన్నాయి. భవిష్యత్‌లో సైతం ఈ స్థానాల్లో టీడీపీ సత్తా చాటడం కష్టమే అని అంటున్నారు. రానున్న రోజుల్లో టీడీపీ బలపడితే ఒకటి, రెండు స్థానాల్లో సత్తా చాటగలదు గానీ, పూర్తి స్థాయిలో మాత్రం టీడీపీ గెలవలేదని చెప్పొచ్చు. మొత్తానికైతే కడప పార్లమెంట్‌పై టీడీపీ జెండా కనబడటం చాలా కష్టమే.