డబ్బింగ్ సినిమాలు మాత్రమే కాకుండా కొన్ని స్ట్రైట్ తెలుగు సినిమాలు కూడా పాత సినిమా టైటిల్స్ ను పెట్టుకోవడం లో మోజు పడుతున్నాయి. ఆ విధంగా ఇప్పుడు వచ్చే కొత్త సినిమాలు చాలా వరకూ పాత సినిమా టైటిల్స్ నే పెట్టుకుంటూ సినిమాపై క్రేజ్ ను పెంచుకుంటూ ఉన్నాయి. వాటిలో ఆరాధన సినిమా మూడు తరాలుగా మూడు తరాల ప్రేక్షకులను ఎంతగానో అలరిస్తుంది. మొదట అక్కినేని నాగేశ్వరరావు 1967లో ఆరాధన పేరుతో సినిమా చేశారు. వి.మధుసూధనరావు దర్శకత్వంలో జగపతి ఆర్ట్ పిక్చర్స్ పై బెంగాలీ నవల ఆధారంగా రూపొందిన ఈ సినిమా ప్రేక్షకులను ఎంతగానో మెప్పించింది.

ఆ తరువాత 1976 లో ఎన్టీఆర్ హీరోగా వాణిశ్రీ హీరోయిన్ గా ఆరాధన పేరుతో ఓ సినిమా తెరకెక్కింది. బివి ప్రసాద్ దర్శకత్వం వహించిన ఈ సినిమా బాక్సాఫీసు వద్ద ఎన్నో రికార్డులను అప్పట్లో క్రియేట్ చేసింది. ఆ తరువాత మెగాస్టార్ చిరంజీవి    హీరోగా సుహాసిని, రాధిక, రాజశేఖర్ ముఖ్యపాత్రల్లో నటించిన సినిమాకి కూడా ఆరాధన అనే పేరు పెట్టారు. తమిళంలో సూపర్ హిట్ అయిన కడలూరు కవిదైగల్ అనే తమిళ చిత్రాన్ని తెలుగు లో భారతీరాజా దర్శకత్వం వహించగా ఈ సినిమా లోని పాటలు బాక్సాఫీస్ వద్ద సూపర్ హిట్ అయ్యాయి.  సినిమా కూడా టాలీవుడ్ రికార్డులను తుడిచిపెట్టింది.