అందుకే 2019 ఎన్నికల్లో జగన్‌కు భారీ విజయం వచ్చిది. చంద్రబాబుకు భారీ ఓటమి వచ్చింది. ఇక ఆ ఓటమి నుంచి బాబు పాఠాలు పెద్దగా నేర్చుకున్నట్లు కనిపించడం లేదు. అందుకే ఎన్నికలై రెండేళ్ళు దాటిన కూడా చంద్రబాబు పుంజుకోలేదు. అటు చాలా నియోజకవర్గాల్లో టీడీపీ పరిస్తితి దారుణంగా ఉంది. ఓడిపోయినా సరే బాబు ఏ మాత్రం మారలేదు. పార్టీని ఎలా బలోపేతం చేసుకోవాలనే ఆలోచన కూడా చేయట్లేదు.

నిత్యం జగన్‌ని తిట్టడమే పనిగా పెట్టుకుని బాబు పనిచేస్తున్నారు. ఎక్కువగా హైదరాబాద్‌లోని ఇంటికి పరిమితమై, జూమ్, సోషల్ మీడియాల్లో వైసీపీ ప్రభుత్వంపై పోరాటం చేస్తున్నారు. సోషల్ మీడియాలో పోరాటం చేస్తే సామాన్య ప్రజలకు ఎలా అర్ధం అవుతుందో, బాబుకే తెలియాలి. అటు లోకేష్ కూడా ప్రజల మధ్యలోకి వచ్చి పోరాటం చేయడం లేదు. ఏమన్నా దీక్షలు చేసినా అవి జూమ్‌కే పరిమితమవుతున్నాయి. దీని వల్ల టీడీపీకి అడ్వాంటేజ్ ఏమి రావడం లేదు.

పైగా బాబు రాజకీయం వల్ల వైసీపీ ఎమ్మెల్యేలకు ప్లస్ అవుతుంది. చాలా నియోజకవర్గాల్లో వైసీపీ ఎమ్మెల్యేల మీద వ్యతిరేకిత ఉన్న మాట వాస్తవమని విశ్లేషకులు చెబుతున్నారు. అదే సమయంలో అలాంటి నియోజకవర్గాల్లో టీడీపీ కూడా వీక్‌గా ఉంటుంది. అసలు కొన్ని నియోజకవర్గాల్లో టీడీపీకి ఇన్‌చార్జ్‌లే లేరు. ఈ విషయంలో బాబు పట్టించుకొని పార్టీని బాగుచేసే కార్యక్రమాలు చేయకుండా, ఎంతసేపు జగన్‌ని తిట్టడానికే టైమ్ కేటాయిస్తున్నారు. దీని వల్ల వైసీపీ ఎమ్మెల్యేలకే ప్లస్ అవుతుంది.