గత ఎన్నికల్లో ఒక్క విజయవాడ ఈస్ట్‌లో తప్ప, మిగిలిన అన్నీ నియోజకవర్గాల్లో పార్టీ ఓడిపోయింది. అయితే విజయవాడ పార్లమెంట్ సీటుని టీడీపీనే కైవసం చేసుకుంది. సరే ఈ రేంజ్‌లో ఓటమి వచ్చాక ఆ పార్లమెంట్ పరిధిలో టీడీపీ వీక్ అయింది. కానీ ఎన్నికలు అయిపోయి రెండేళ్ళు దాటేసింది. మరి ఈ రెండేళ్లలో కాలంలో విజయవాడ పార్లమెంట్ పరిధిలో టీడీపీ పుంజుకుందా? అంటే కాస్త అవునని, కాస్త కాదని చెప్పొచ్చు.

ఎందుకంటే ఇటీవల జరిగిన పంచాయితీ, మున్సిపల్, కార్పొరేషన్ ఎన్నికల్లో టీడీపీ ఘోరంగా ఓడింది. అయితే వైసీపీ అధికారంలో ఉండటం, పథకాల అంశం టీడీపీకి మైనస్ అయ్యాయి. కానీ నియోజవర్గాలుగా చూస్తే మాత్రం కాస్త టీడీపీ నేతలు బలోపేతం అయ్యారనే చెప్పొచ్చు. మొదట విజయవాడ సెంట్రల్‌లో బోండా ఉమా దూకుడుగా ఉన్నారు. గత ఎన్నికల్లో ఈయన కేవలం 25 ఓట్లతో ఓడిపోయారు. ఇక ఆ సానుభూతి ఉమా మీద ఉంది. అలాగే ఆయన పార్టీని బలోపేతం చేయడానికి చూస్తున్నారు.

అటు నందిగామలో సౌమ్య, జగ్గయ్యపేట శ్రీరామ్ తాతయ్యలు పర్వాలేదనిపిస్తున్నారు. మైలవరంలో దేవినేని ఉమా పికప్ అయ్యారని విశ్లేషణలు వస్తున్నాయి. ఇక వెస్ట్‌లో టీడీపీ వీక్‌గానే కనిపిస్తోంది. అలాగే గెలిచిన ఈస్ట్‌లో టీడీపీ ఎమ్మెల్యే గద్దె రామ్మోహన్ బలం తగ్గినట్లు కనిపిస్తోంది. ఇక్కడ వైసీపీ తరుపున పనిచేస్తున్న దేవినేని అవినాష్ పుంజుకున్నారు. తిరువూరులో టీడీపీ పరిస్తితి బాగోలేదు. కానీ అక్కడ టీడీపీకి కొత్తగా శావల దేవదత్‌ని ఇన్‌చార్జ్‌గా పెట్టారు. మరి ఆయన ఏ స్థాయిలో టీడీపీని బలోపేతం చేస్తారో చూడాలి. మొత్తానికైతే విజయవాడ పార్లమెంట్‌లో సైకిల్‌కు కొంచెం ఛాన్స్ వచ్చినట్లే కనిపిస్తోంది.