ഇസ്താൻബുൾ
അതിക്രമങ്ങളിൽനിന്ന്‌ സ്ത്രീകളെ സംരക്ഷിക്കാൻ സ്വന്തം രാജ്യത്തുവച്ചുതന്നെ ഒപ്പിട്ട അന്താരാഷ്ട്ര ഉടമ്പടിയിൽനിന്ന്‌ പിൻവാങ്ങി തുർക്കി. സ്വവർഗാനുരാഗത്തെ പിന്തുണയ്ക്കുന്നവർ ഇസ്താൻബുൾ കൺവൻഷൻ (കൗൺസിൽ ഓഫ്‌ യൂറോപ്‌ കൺവൻഷൻ) ഹൈജാക്ക്‌ ചെയ്തെന്ന്‌ ആരോപിച്ച്‌ മാർച്ചിലാണ്‌ പ്രസിഡന്റ്‌ റെജബ്‌ തയ്യിപ്‌ എർദോഗൻ പിൻവാങ്ങൽ പ്രഖ്യാപിച്ചത്‌. ജൂലൈ ഒന്നുമുതൽ പിൻവാങ്ങുമെന്നായിരുന്നു പ്രഖ്യാപനം. ഇതിനെതിരെ ചിലർ കോടതിയെ സമീപിച്ചെങ്കിലും അത്‌ കഴിഞ്ഞയാഴ്ച നിരാകരിക്കപ്പെട്ടു.
2014 ആഗസ്തിൽ ഇസ്താൻബുളിൽവച്ച്‌ 30 രാജ്യം ഒപ്പിട്ട
കരാറിൽനിന്ന്‌ പിന്മാറാനുള്ള എർദോഗന്റെ തീരുമാനത്തിനെതിരെ അന്താരാഷ്ട്രതലത്തിൽ പ്രതിഷേധം ഉയർന്നിരുന്നു. എന്നാൽ, സ്വവർഗാനുരാഗം രാജ്യത്തിന്റെ മൂല്യങ്ങൾക്ക്‌ എതിരാണെന്ന്‌ പറഞ്ഞ എർദോഗൻ, സ്ത്രീസുരക്ഷ ഉറപ്പാക്കാനുള്ള നടപടികൾ തുടരുമെന്നും അവകാശപ്പെട്ടു. സ്ത്രീസുരക്ഷ ഉറപ്പാക്കുന്നതിൽനിന്ന്‌ രാജ്യം പിന്നോട്ട്‌ പോയെന്ന്‌ ആരോപിച്ച്‌ പ്രധാന നഗരങ്ങളിൽ മഹിളാ സംഘടനകൾ പ്രതിഷേധിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
