అయితే.. ఏమ‌నుకున్నారో.. ఏమో.. మ‌ళ్లీ భానుకు ఫుల్ ప‌వ‌ర్స్ ఇచ్చేసి.. అంద‌రూ భాను చెప్పిన‌ట్టే న‌డ‌వాల‌ని.. పార్టీ జాతీయ ప్ర‌ధాన కార్య‌ద‌ర్శి నారా లోకేష్ నుంచి న‌గ‌రికి ఉత్త‌ర్వులు వ‌చ్చాయి. దీంతో అప్ప‌టి నుంచి భాను మ‌ళ్లీ యాక్టివ్ అవుతార‌ని అంద‌రూ అనుకున్నారు. కానీ, దీనికి భిన్న‌మైన ప‌రిస్థితి ఇప్పుడు.. క‌నిపిస్తోంది. గాలి భాను ఇప్పుడు మౌనంగా ఉన్నారు. ఇటీవ‌ల ఎమ్మెల్యే రోజాపై విమ‌ర్శ‌లు చేస్తున్నార‌ని, ఆమెకు వ్య‌తిరేకంగా కొంద‌రు పోస్టులు పెట్టారు. దీంతో వారిపై కేసులు న‌మోద‌య్యాయి. ఈ క్ర‌మంలో జోక్యం చేసుకుని త‌మ‌కు ఉప‌శ‌మ‌నం క‌ల్పించాల‌ని.. స‌ద‌రు కార్య‌క‌ర్త‌లు.. భానును కోర‌గా.. ఆయ‌న అదిగో ఇదిగో అంటూ కాల‌యాప‌న చేశార‌ని.. దీంతో కార్య‌క‌ర్త‌లు ఒక్కొక్క‌రుగా దూర‌మ‌వుతున్నార‌ని ప్ర‌చారం సాగుతోంది.

ఇక‌, ఎమ్మెల్యే రోజా కూడా వ్యూహాత్మ‌కంగా అడుగులు వేస్తున్నారు. ఇప్ప‌టికే వ‌రుస‌గా రెండు సార్లు విజ‌యం సాధించిన రోజా.. మూడో సారి ముచ్చ‌ట‌గా విజ‌యం ద‌క్కించుకునేందుకు ప్ర‌య‌త్నాలు చేస్తున్నారు. ఈ క్ర‌మంలో తాను లేక‌పోయినా.. ప‌నులు జ‌రిగేలా ప్ర‌ణాళిక సిద్ధం చేసుకుని వ్య‌వ‌హ‌రిస్తున్నారు. ఈ క్ర‌మంలో రోజాకు దీటుగా రాజ‌కీయం దూకుడు పెంచాల్సిన భాను.. వెనుక‌బడిపోతున్నార‌నే వాద‌న వినిపిస్తోంది. ఇదే ప‌రిస్థితి మ‌రికొన్నాళ్లు కొన‌సాగితే.. భానుకు తీవ్ర ఇబ్బందులు త‌ప్ప‌వ‌ని అంటున్నారు. మ‌రి ఇప్ప‌టికైనా.. పార్టీ ఇచ్చిన స్వేచ్ఛ‌ను ఆయ‌న వినియోగించుకుని ముందుకు సాగితేనే ఫ‌లితం ఉంటుంద‌ని అంటున్నారు ప‌రిశీల‌కులు. మ‌రి ఏం చేస్తారో చూడాలి.