రాజమౌళి, ప్రభాస్ కాంబినేషన్ లో 2005లో తెరకెక్కిన ఛత్రపతి సినిమా అప్పట్లో ఇండస్ట్రీ రికార్డులన్నిటినీ తుడిచిపెట్టింది. ఈ క్లాసిక్ చిత్రాన్ని బాలీవుడ్ లో రీమేక్ చేయాలని చూసినా అది ఎందుకో వర్కవుట్ అవ్వలేదు. దాంతో ప్రభాస్ హీరోగా కొన్ని రోజుల తర్వాత బాలీవుడ్ లో ఈ సినిమాను రీమేక్ చేద్దామని అనుకున్నారు. కానీ ఈలోపే బెల్లంకొండ శ్రీనివాస్ హీరోగా వినాయక్ ఈ మహత్తర కార్యాన్ని తలపెట్టారు. వివి వినాయక్ జూలై 11 నుంచి హైదరాబాద్లో ఈ చిత్ర షూటింగ్ ప్రారంభించబోతున్నారు. బెల్లంకొండ శ్రీనివాస్ హిందీలో సినిమా చేయడం ఏంటి అని అనుకున్నారు ఈ సినిమా అనౌన్స్ అయిన కొత్తలో.

ఓ తెలుగు సినిమాతో, తెలుగు డైరెక్టర్ , తెలుగు హీరో అయిన బెల్లంకొండ శ్రీనివాస్ హిందీలో కి వెళ్ళడం అందరినీ ఆశ్చర్యానికి గురి చేసింది. కానీ సినిమా అక్కడ ఓకే అయిపోవడంతో ఎవరు చేసేదేం లేక సినిమా కోసం ఎదురు చూడడం మొదలుపెట్టారు. తాజాగా గురించి ప్రభాస్ కొన్ని ఆసక్తికర వ్యాఖ్యలు చేసారట. హిందీలో రీమేక్ చేస్తున్నట్లు బెల్లంకొండ శ్రీనివాస్ ప్రభాస్ కి ఓ సందర్భంలో చెప్పగా చాలా మంచి నిర్ణయం అని ప్రభాస్ తెలిపారట. ఆల్ ది బెస్ట్ అన్నారట.  సముద్రపు కూలీ గా ఉన్న వ్యక్తి డాన్ గా ఎలా ఎదిగాడు అనే కథాంశంతో తెరకెక్కిన ఈ సినిమా కోసం బెల్లంకొండ శ్రీనివాస్ సొంతంగా డబ్బింగ్ కూడా చెప్పుకున్నారు. మరి ఈ సినిమా ఆయనకు ఎలాంటి విజయాన్ని తీసుకు వస్తుందో చూడాలి.