ఇక తండ్రి బాటలోనే రాధా కూడా రాజకీయాల్లోకి వచ్చి సత్తా చాటాలని అనుకున్నారు. రాధా 2004 ఎన్నికల్లో కాంగ్రెస్ తరుపున విజయవాడ తూర్పు ఎమ్మెల్యేగా బరిలోకి దిగి తొలిసారి ఎమ్మెల్యేగా గెలిచారు. అయితే 2009 ఎన్నికలోచ్చేసరికి రాధా రాంగ్ స్టెప్ వేశారు. కాంగ్రెస్‌ని విడిచి ఆయన చిరంజీవి పెట్టిన ప్రజారాజ్యంలోకి వెళ్ళి విజయవాడ సెంట్రల్ నుంచి పోటీ చేసి స్వల్ప మెజారిటీతో ఓడిపోయారు.

ఆ తర్వాత ప్రజారాజ్యం, కాంగ్రెస్‌లో విలీనమైపోయింది.  దీంతో రాధా జగన్ పెట్టిన వైసీపీలోకి వచ్చి 2014 ఎన్నికల్లో విజయవాడ తూర్పు నుంచి పోటీ చేసి ఓడిపోయారు. ఓడిపోయినా సరే రాధా పార్టీ కోసం బాగానే కష్టపడ్డారు. కానీ పార్టీలో తగిన ప్రాధాన్యత ఇవ్వడం లేదని చెప్పి రాధా 2019 ఎన్నికల ముందు అనూహ్యంగా టీడీపీలోకి వచ్చారు. 

అయితే టీడీపీలోకి వచ్చినా రాధా పోటీ చేయలేదు. టీడీపీ అభ్యర్ధుల గెలుపు కోసం ప్రచారం చేశారు. కానీ ఆ ఎన్నికల్లో టీడీపీ ఘోరంగా ఓడిపోయింది. వైసీపీ గెలిచి అధికారంలోకి వచ్చింది. దీంతో రాధా పోలిటికల్ కెరీర్‌కు బ్రేక్ పడింది. ప్రస్తుతం టీడీపీలో కనిపించడం లేదు. అలా అని వేరే పార్టీలోకి వెళ్లలేదు. ఆ మధ్య జనసేనలోకి వెళ్తారని ప్రచారం జరిగింది గానీ రాధా ఎటు వెళ్లలేదు. కానీ రాధాకు ఫాలోయింగ్ మాత్రం బాగానే ఉంది. మరి నెక్స్ట్ ఎన్నికల ముందు రాధా ఎలాంటి రూట్ ఎంచుకుంటారో చూడాలి.