ఇక తమిళంలో బ్లాక్ బస్టర్ హిట్ అయిన అసురన్ సినిమాకి రీమేక్ గా రూపొందించిన "నారప్ప" సినిమా కూడా భారీ ఎత్తున ప్రేక్షకులను థియేటర్లకు రప్పించలేదని సురేష్ బాబు వెంకటేష్ తో చెప్పారట. నిజానికి అసురన్ సినిమా ఓటీటీ వేదికగా విడుదలై రెండున్నర సంవత్సరాలు గడుస్తోంది. ఈ చిత్రంలో నటించిన ధనుష్ కి జాతీయ పురస్కారం కూడా లభించింది. దీంతో యాక్షన్ డ్రామా అయిన "అసురన్" ని చాలా మంది ఇప్పటికే చూసేసారు. దీంతో అసురన్ రీమేక్ అయిన "నారప్ప" సినిమాని కరోనా సమయంలో థియేటర్స్ వచ్చి చూస్తారా లేదా అనే సందిగ్ధత సురేష్ బాబు లో నెలకొంది. ఇదే విషయాన్ని ఆయన వెంకటేష్ తో చెప్పారట.

మరోపక్క ఈ రెండు చిత్రాలకు ఓటీటీ సంస్థల నుంచి భారీ ఆఫర్స్ వస్తున్నాయి. దీంతో నిర్మాత సురేష్ బాబు ఓటీటీ సంస్థలకు సినిమాలను విక్రయించడమే తెలివైన నిర్ణయం అని బలంగా అనుకున్నారట. దీంతో వెంకటేష్ కూడా ఎవరిని రిస్క్ లో పెట్టకుండా ఓటీటీ విడుదలకు ఒప్పుకున్నారట. అయితే త్వరలోనే వెంకటేష్ హీరోగా నటించిన నారప్ప, దృశ్యం 2 సినిమాల ఓటీటీ రిలీజ్ డేట్స్ ప్రకటించనున్నారని తెలుస్తోంది.