అలా చంటి బిడ్డతో నిమ్మకాయరసం ఐస్ క్రీం అమ్ముకున్న నగరంలోనే ఓ మహిళా పోలీస్ ఇన్స్ స్పెక్టర్ గా విధులు నిర్వహిస్తుంది. బహుశా ఆమె కూడా ఊహించి ఉండదు ఈ పరిణామాన్ని.  ఆమె జీవితం సినిమాకు ఏమాత్రం తీసిపోదు అని ఈ ఒక్క లైన్ ను బట్టి చెప్పవచ్చు. కుటుంబసభ్యులు వదిలేస్తే ఎన్నో కష్టాలను అనుభవించి చదువుకొని అదే నగరానికి ఇన్స్ స్పెక్టర్ గా వచ్చి ఎంతో మందికి స్ఫూర్తిగా నిలిచారు అనియే శివ. కేరళలోని తిరువనంతపురం జిల్లాలో వర్కల అనే నగరంలో తరచూ పర్యాటకులు వస్తూ ఉంటారు అక్కడే అనియే శివ ఉండేది. ప్రభుత్వ కళాశాలలో డిగ్రీ మొదటి సంవత్సరం చదువుతుండగా కుటుంబ సభ్యులను కాదని ప్రేమించి పెళ్లి చేసుకుంది. బిడ్డకు కూడా జన్మనిచ్చింది. 18 ఏళ్ల ఆమెను నడిరోడ్డుపై వదిలేసి భర్త వెళ్లిపోయాడు.  సహాయం కోసం ఇంటికి వెళితే ఆమె కుటుంబ సభ్యులు ఇంట్లోకి రానివ్వలేదు. 

దీంతో తన కుమారుడు శివ సూర్యతో కలిసి అమ్మమ్మ ఇంట్లో నివాసం ఉండేది. జీవనాధారం కోసం వచ్చే పర్యాటకులకు ఐస్ క్రీం, నిమ్మరసం అమ్మి పొట్ట నింపుకునేది. కట్ చేస్తే ఇప్పుడు ఆమెకు 31 ఏళ్లు. ఏ నగరంలో అయితే అష్టకష్టాలు అనుభవించిందో ఆ వర్కల నగరంలోనే ఇన్స్పెక్టర్ గా చేరారు. ఈ సందర్భంగా ఆమె మాట్లాడుతూ తాను సాధించిన ఈ ఘనత పెద్ద విషయం కాదని అందరూ సాధించగలుగుతారు అని తనలా ఏ మహిళ అయిన తన కాళ్ళమీద తాను నిలబడగలిగితే చాలా సంతోషం అని చెప్పుకొచ్చారు.