ఈ నివేదిక పంపడంలో ఎందుకు జాప్యం అవుతోందని కూడా జాతీయ మానవ హక్కుల సంఘం ప్రశ్నించింది. అంతేకాదు ఈరోజు కండిషన్ సమన్లు కూడా జారీ చేసింది నేషనల్ హ్యూమన్ రైట్స్ కమిషన్. ఆగస్టు 9 లోపు నివేదిక ఇవ్వాలని తాజా ఆదేశాల్లో పేర్కొంది. ఒక వేళ  నిర్దేశించిన గడువులోగా నివేదిక అందించకపోతే వ్యక్తిగతంగా హాజరు కావాల్సి ఉంటుందని కూడా జాతీయ మానవ హక్కుల సంఘం హెచ్చరించింది. ఒకవేళ నివేదిక ఇవ్వలేని పక్షంలో ఆగస్టు 16వ తేదీన తమ ముందు ప్రత్యక్షంగా హాజరుకావాలని హోంశాఖ కార్యదర్శి డీజీపీ ఇద్దరిని హెచ్చరించింది.

 ఇక ఆంధ్రప్రదేశ్ ప్రభుత్వం, మీద ఆంధ్రప్రదేశ్ ప్రభుత్వ అధినేత మీద విమర్శలు చేస్తున్నారని, ద్రోహానికి పాల్పడుతున్నారనే ఆరోపణలతో రఘురామకృష్ణంరాజును కొద్ది రోజుల క్రితం సిఐడి పోలీసులు అరెస్టు చేసిన సంగతి తెలిసిందే.. ఈ వ్యవహారం మీద సుప్రీంకోర్టు దాకా వెళ్లి మరీ రఘురామకృష్ణంరాజు బెయిల్ తెచ్చుకున్నారు. ఆ తర్వాత తనను అక్రమంగా అరెస్టు చేశారని చెబుతూ ఆయన జాతీయ మానవ హక్కుల సంఘాన్ని ఆశ్రయించారు. దీంతో సంఘం ఎప్పటికప్పుడు స్పందిస్తూ ఆంధ్రప్రదేశ్ హోం శాఖ కార్యదర్శి అలాగే డిజిపిలకు నోటీసులు జారీ చేసింది.