తెలుగుదేశం పార్టీకి తెలంగాణలో భవిష్యత్తు లేదు కాబట్టి మళ్ళీ పుంజుకునే అవకాశాలు చాలా తక్కువగా ఉన్నాయి కాబట్టి ఆయన కాంగ్రెస్ గూటికి వెళ్ళాడు అనే సాఫ్ట్ కార్నర్ లో తెలుగుదేశం శ్రేణులు ఉన్నాయి. అందుకే రేవంత్ రెడ్డిని ఇప్పటికీ తెలుగుదేశం నేతలు గానీ తెలుగుదేశం కార్యకర్తలు గాని విమర్శించిన దాఖలాలు లేవు. తెలంగాణలో తెలుగుదేశం తరఫున కొద్ది మంది కార్యకర్తలు మాత్రమే ఉన్నా ఆంధ్రప్రదేశ్ కు చెందిన కార్యకర్తలు సైతం రేవంత్ రెడ్డిని పొగుడుతూ రేవంత్ రెడ్డి టైగర్ అంటూ సోషల్ మీడియా వేదికగా కామెంట్లు పెట్టడం రేవంత్ రెడ్డి కి చాలా మైనస్ అవుతాయి. 

ఇప్పుడు రేవంత్ ఒక జాతీయ పార్టీ రాష్ట్ర అధ్యక్షుడి హోదాలో ఉన్నారు. అదీగాక ఎమోషన్స్, సెంటిమెంట్ ఎక్కువగా భావించి తెలంగాణ రాష్ట్రానికి ఆయన కాంగ్రెస్ చీఫ్ గా ఉన్నారు. కాబట్టి ఖచ్చితంగా ప్రాంతీయ భావం అనేది నెలకొంటుంది. ఆంధ్రప్రదేశ్ నుంచి ఎక్కువ మంది రేవంత్ ఫ్యాన్స్ గా ఉండడం అది తెలుగుదేశం తరుపున ఫ్యాన్స్ గా ఉండటం అనేది ఖచ్చితంగా మైనస్ గా భావించాల్సిన అంశం అనే చెప్పాలి. ఇప్పటికైనా రేవంత్ రెడ్డిని, చంద్రబాబుని కానీ ఆంధ్రప్రదేశ్ రాష్ట్ర నేతలను కానీ విమర్శిస్తూ దూకుడుగా వెళ్లకపోతే వచ్చిన ఆ పీసీసీ చీఫ్ పదవి నిరుపయోగంగా మారే అవకాశం ఉంది.