అయితే ఎన్నికలై రెండేళ్ళు దాటేసింది. ఈ రెండేళ్లలో వెస్ట్ టీడీపీ నేతలు బాగానే పుంజుకున్నారని తెలుస్తోంది. అదే సమయంలో వైసీపీలో కొందరు ఎమ్మెల్యేలు మెరుగైన పనితీరు కనబర్చడంలో వెనుకబడి ఉన్నారని తెలుస్తోంది. ఈ 13 మంది ఎమ్మెల్యేల్లో ముగ్గురు మంత్రులు ఉన్నారు. ఆళ్ళ నాని ఏలూరు నుంచి ప్రాతినిధ్యం వహిస్తే, వనిత కొవ్వూరుకు ప్రాతినిధ్యం వహిస్తున్నారు. ఇక రంగనాథరాజు ఆచంటలో పనిచేస్తున్నారు.

ఈ ముగ్గురు మంత్రులు సైతం తమ సొంత నియోజకవర్గాల్లో ఎఫెక్టివ్‌గా పనిచేయడంలో కాస్త వెనుకబడే ఉన్నారని జిల్లాలో ప్రచారం జరుగుతుంది. కాకపోతే మంత్రులుగా ఉన్నారు కాబట్టి, వీరు రాష్ట్ర రాజకీయాల్లో ఎక్కువగా ఉంటారు. అందుకే నియోజకవర్గాలకు ఎక్కువ సమయం కేటాయించలేరు. అటు జిల్లాలో ఉన్న మిగిలిన పది మంది ఎమ్మెల్యేల్లో కొందరు ప్రజలకు అందుబాటులో ఉండటంలో బాగా వెనుకబడి ఉన్నారని తెలుస్తోంది.  అదే సమయంలో టీడీపీ నేతలు ప్రజలకు మరింతగా దగ్గరవ్వడం, ప్రజా సమస్యలపై నిత్యం పోరాటం చేయడం లాంటి అంశాలు కలిసొస్తున్నాయనే చెప్పొచ్చు.

టీడీపీకి ఉన్న ఇద్దరు ఎమ్మెల్యేల్లో పాలకొల్లు ఎమ్మెల్యే నిమ్మల రామానాయుడు బాగా స్ట్రాంగ్‌గా ఉన్నారు. మరో ఎమ్మెల్యే రామరాజు కాస్త వీక్‌గా ఉన్నా సరే, ఈయన ప్రాతినిధ్యం వహిస్తున్న ఉండి నియోజకవర్గంలో మాత్రం టీడీపీ స్ట్రాంగ్‌గా ఉంది. ఇటు దెందులూరులో టీడీపీ ఇన్‌చార్జ్ చింతమనేని ప్రభాకర్ బాగానే పుంజుకున్నారు. అలాగే తణుకులో అరిమిల్లి రాధాకృష్ణ, ఉంగుటూరులో గన్నీ వీరాంజనేయులు బాగానే పనిచేస్తున్నారు. నిడదవోలులో బూరుగుపల్లి శేషారావు, గోపాలాపురంలో ముప్పిడి వెంకటేశ్వరరావులు పర్వాలేదనిపిస్తున్నారు. మొత్తానికి చూసుకుంటే వెస్ట్‌లో వైసీపీ ఎమ్మెల్యేలే టీడీపీ నేతలకు ఛాన్స్ ఇస్తున్నట్లు కనిపిస్తోంది.