హైట్‌ ఎక్కువగా ఉండడంతో అతడికి భారీ షాట్లు ఆడే వెసులుబాటు ఉంటుందన్నాడు. ఇక, టీమిండియా విషయానికొస్తే.. ఆరో రోజు ఆటలో భారత కెప్టెన్‌ విరాట్‌ కోహ్లీ, నయా వాల్‌ చటేశ్వర్‌ పుజార త్వరగా పెవిలియన్‌ చేరడం మ్యాచ్‌ను న్యూజిలాండ్‌ వైపు మొగ్గేలా చేసిందని సచిన్‌ విశ్లేషించాడు. ‘ఆరంభంలో విలువైన భాగస్వామ్యాలు నెలకొల్పడం ఎంతో ముఖ్యం. తొలి డ్రింక్స్‌ బ్రేక్‌ వరకు కోహ్లీ-పుజార జాగ్రత్తగా ఆడి.. ఆ తర్వాత ఎదురుదాడికి దిగి ఉండాల్సింది. మనం సురక్షితమని భావిస్తే.. ఆ తర్వాత వచ్చే వాళ్లు కూడా ధాటిగా ఆడే అవకాశం ఉండేది. దీంతో ఛేదనలో న్యూజిలాండ్‌ శ్రమించాల్సి వచ్చేది. ఫలితం వేరేలా ఉండేది. అయితే, భారత బ్యాటింగ్‌ ఇందుకు భిన్నంగా సాగడంతో ఓటమి ఎదురైంది’ అని సచిన్‌ విశ్లేషించాడు. ఇక‌, వ‌రల్డ్ టెస్టు చాంపియ‌న్‌షిప్ ఫైన‌ల్‌ మ్యాచ్‌లో విరాట్ కోహ్లీని రెండు ఇన్నింగ్స్‌ల్లోనూ జేమిస‌న్ అవుట్ చేయ‌డం విశేషం. తొలి ఇన్నింగ్స్‌లో ఐదు, రెండో ఇన్నింగ్స్‌లో రెండు.. మొత్తం 7 వికెట్లు తీసిన జేమిస‌న్‌నే మ్యాన్ ఆఫ్ ద మ్యాచ్ అవార్డు వ‌రించింది.