అయితే పార్టీ, పోరాట పటిమ చూపి వచ్చే ఎన్నికల్లో గెలవాలంటే రేవంత్ లాంటి దూకుడు కలిగిన వ్యక్తిని ప్రెసిడెంట్ గా ఎన్నుకోవడం కలిసి వచ్చే అంశం అయినా ఇప్పుడు రేవంత్ రెడ్డి గతం కాంగ్రెస్ పార్టీకి మైనస్ గా మారే అవకాశాలు కనిపిస్తున్నాయి. ఎందుకంటే రేవంత్ రెడ్డి కాంగ్రెస్ లో చేరక ముందు వరకు తెలుగుదేశం పార్టీలో ఉన్నారు. ఒక రకంగా తాము లేఖ ఇవ్వడం వల్లే తెలంగాణ వచ్చిందని తెలుగుదేశం చెప్పుకున్నా తెలుగుదేశం పార్టీని ఆంధ్ర పార్టీగానే తెలంగాణ ప్రజలు భావిస్తూ వచ్చారు. 

అలాంటి తెలుగుదేశం పార్టీలో చివరి వరకు కొనసాగి ఇప్పటికీ తెలుగుదేశం పార్టీ మీద పల్లెత్తు మాట అనకుండా ఉన్నారు రేవంత్ ఇప్పుడు తెలంగాణ ప్రజానీకం మొత్తానికి ఒక విలన్ గా మారే అవకాశం ఉంది.. అంటే కేసీఆర్ సహా బీజేపీ నేతలు అలాగే కాంగ్రెస్ లో రేవంత్ అంటే పడని వారు సైతం రేవంత్ ను ఇదే రకంగా విలన్ అని ప్రొజెక్ట్ చేసే అవకాశాలు ఎక్కువగా కనిపిస్తున్నాయి. తెలంగాణ ఉద్యమంలో సైతం రేవంత్ పెద్దగా పాల్గొన్న దాఖలాలు లేకపోవడం ఇప్పుడు ఆయనకు ఒక రకంగా ఇబ్బందికర అంశం అనే చెప్పాలి. అయితే కేసీఆర్ కు ధీటుగా ఆయనను ఎదిరించి మాట్లాడిన మొట్టమొదటి తెలంగాణ వ్యక్తిగా రేవంత్ కు కాస్త పలుకుబడి ఉన్నా ఇప్పుడు ఈ తెలంగాణ సెంటిమెంట్ విషయంలో కేసీఆర్ సహా ఇతర పార్టీల వారు ఆయన టార్గెట్ చేసే అవకాశాలు ఎక్కువగా ఉన్నాయి.